Fazil Qasımov həbsxana xəstəxanasında fiziki təzyiqə məruz qalır
Həbsdə 127 gündür aclıq edən iqtisadçı Fazil Qasımov oktyabrın 16-da Penitensiar Xidmətin Müalicə Müəssisəsinin personalı tərəfindən fiziki təzyiqə məruz qalıb.
Bu, Qasımovun öz vəkili Telman Qasımovla görüşündən sonra baş verib. Yaxınlarının sözlərinə görə, müəssisə əməkdaşları Qasımovun əsasını əlindən alıblar və onu itələyiblər, nəticədə o, yıxılıb. O, bu barədə telefonla ailə üzvlərinə danışarkən 35-ci saniyədə telefon danışığı kəsilib. Ailə üzvləri onun vəziyyətinə görə narahatdırlar.
* Fazil Qasımov 8 avqust 2023-cü il tarixində İstanbulda həbs edilib və Azərbaycana gətirilib. O, məşhur iqtisadçı və Azərbaycan hökumətinin tənqidçisi Qubad İbadoğlu ilə birlikdə saxta pul hazırlamaqda ittiham olunub. Lakin indi Fazil Qasımovun cinayət işinə İbadoğlunun işindən ayrı baxılır.
O, qanunsuz həbsinə etiraz əlaməti olaraq aclıq elan edib.
Siyasət
-
III Respublika Platforması (ResPlatforma) Dirçəliş Günü ilə əlaqədar Bəyanat yayıb. Bəyanatda Azərbaycan millətinin Dirçəliş Günü təbrik edilir. Həmçinin Bəyanatda 17 noyabr prosesinin Dağlıq Qarabağ üzərində Azərbaycanın suverenliyinin təmin edilməsi tələbi ilə başlayan mitinqlərin müstəqillik hərəkatının başlanğıcı olması və 17 noyabr prosesinin müstəqilliyin əldə edilərək II Respublikanın qurulması ilə nəticələndiyi qeyd edilir. Bu minvalla ResPlatforma müstəqillik və Qarabağ davası uğrunda fədakarlıq göstərən vətəndaşlarımızı, o cümlədən şəhid və qazilərimizi dərin minnətdarlıq hissi ilə yad edir.
-
Noyabrın 17-də Azərbaycanda Milli Dirçəliş Günü qeyd edilir. 17 noyabr 1988-ci ildə Bakının əsas meydanı olan "Azadlıq" meydanında (keçmiş Lenin meydanı red.) Qarabağ üzərində suverenliyin təmin edilməsi tələbilə fasiləsiz mitinqlər başladı. Sonradan mitinq iştirakçıları Azərbaycanın müstəqilliyi məsələsini qaldırdılar.
-
COP29-da iştirak üçün Bakıya səfər edən Norveçin Beynəlxalq İnkişaf Naziri Anne Beathe Tvinnereim hazırda polis nəzarətində olan, ev məhbusluğu həyatı yaşayan siyasi məhbus, London İqtisad Məktəbinin və Drezden Texniki Universitetinin professoru Qubad İbadoğlu ilə görüşüb. Norveç höküməti adından görüşə gəldiyini bildirən xanım nazir Qubad İbadoğluya qarşı tətbiq olunan məhdudiyyətlər, onun sağlamlıq durumu və ona qarşı irəli sürülən ittihamları üzrə istintaqın gedişi ilə maraqlanıb.
-
COP29 çərçivəsində Maliyyə, İnvestisiyalar və Ticarət Günü zamanı İqlim Maliyyəsi, İnvestisiyalar və Ticarət üzrə Bakı Təşəbbüsü (BICFIT) təqdim olundu. Bu təşəbbüs, innovativ qlobal əməkdaşlıq vasitəsilə iqlim məqsədlərini dəstəkləmək üçün yeni addım sayılır.
Rəy yaz