Fazil Qasımov
Həbsxanada 143 gündür aclıq edən İstanbul Universitetinin doktorantı Fazil Qasımovun məhkəməsi dekabrın 5-dək təxirə salınıb. Bu barədə Turan-a onun yaxınalrı bildiriblər.
“Noyabrın 1-də Penitensiar Xidmətin Müalicə Müəssisəsində Fazillə görüşümüz oldu. Səhhəti çox ağırdır. Çoxsaylı ağrılardan əziyyət çəkir. Oktyabrın 31-də məhkəməsi olmalı idi. Fazilə heç bir səbəb demədən məhkəməni dekabrın 5-dək təxirə salıblar. Fazilə kitab çatdırmaq da daha mümkün deyil. O, Azərbaycan Konstitusiyasını istəmişdi. Lakin Konstitusiyanın mətni olan kitabı ona verməyə imkan verməyiblər", deyə ailə üzvü qeyd edib.
Onun sözlərinə görə, Qasımova vəkilindən imtina etməsi üçün ona təzyiq edirlər.
Qeyd etmək lazımdır ki, demək olar ki, bütün siyasi məhbusların işləri üzrə məhkəmə prosesləri noyabrın sonuna - dekabra təxirə salınıb, çox güman ki, bu, Bakıda COP29-un keçirilməsi ilə bağlıdır.
* Fazil Qasımov 8 avqust 2023-cü il tarixində İstanbulda həbs edilib və Azərbaycana gətirilib. O, məşhur iqtisadçı və Azərbaycan hökumətinin tənqidçisi Qubad İbadoğlu ilə birlikdə saxta pul hazırlamaqda ittiham olunub. Lakin indi Fazil Qasımovun cinayət işinə İbadoğlunun işindən ayrı baxılır.
O, qanunsuz həbsinə etiraz əlaməti olaraq aclıq elan edib.
Siyasət
-
Livanın Səhiyyə Nazirliyinin məlumatına görə, İsrailin ən az 52 nəfərin həlak olması ilə nəticələnən aviazərbələrindən sonra Livanın şimal-şərqində xilasedicilər sağ qalanları tapmağa tələsirlər. Cümə günü axşam endirilən zərbələr Livanın Bekaa vadisini hədəf alıb, bu da təxliyəyə səbəb olub və bir neçə binanı xarabalığa çevirib, bu bölgə üzərində tüstü görünür.
-
"Abzas Media işi" üzrə həbs edilən bütün şəxslərin müdafiə hüququ pozulur və cinayət işinin içərisində olan video materialların surətləri qanunsuz olaraq müdafiə tərəfinə təqdim edilmir. Bu barədə Abzas Media-nın baş redaktoru Sevinc Vaqifqızının hüquqlarını müdafiə edən vəkil Elçin Sadıqov bildirib.
-
Oktyabrın sonlarında Ukraynanın Baş Kəşfiyyat İdarəsi (GUR) Rusiya tərəfindən Ukraynaya yaxın ərazilərə 7,000-dən çox Şimali Koreya əsgərinin yerləşdirildiyini bildirdi. Bu əsgərlər ən azı 28 hərbi uçuş vasitəsilə gətirilib. Ukrayna mənbələrinə görə, bu Şimali Koreya Xalq Demokratik Respublikası (ŞKXDR) əsgərləri Rusiya tərəfindən təmin edilən 60 mm-lik minaatanlar, AK-12 avtomatları, PKK/PKM pulemyotları, SVD snayper tüfəngləri, "Feniks" tank əleyhinə raketləri və RPG-7 əl qumbarasıatıcıları ilə təchiz olunublar. Onlara eyni zamanda gecə görmə cihazları, termal görüntüləyicilər və digər xüsusi avadanlıqlar da verilib.
-
İranın Ali Milli Təhlükəsizlik Şurası İsrailə cavab zərbəsi endirilməsi haqqında qərar qəbul edib, xəbəri şura üzvü Esmail Kosari verib.
Rəy yaz