Zelenski Qərbi passiv müşahidəçi olmamağa çağırıb

Vladimir Zelenski Qərb ölkələrini Şimali Koreya qoşunlarının Rusiyaya göndərilməsini passiv şəkildə müşahidə etməməyə çağırıb. Onun sözlərinə görə, Ukrayna uzaqmənzilli silaha malik olsaydı, KXDR hərbi qulluqçularının RF-dəki düşərgələrinə zərbə endirə bilərdi.

Ukrayna Rusiyada Şimali Koreya əsgərlərinin cəmləşdiyi bütün yerləri görür. "Bizim bu imkanımız olsaydı, zərbə endirə bilərdik. Bu, tərəfdaşlardan asılıdır", deyə Ukrayna lideri noyabrın 1-də axşam videomüraciətində bildirib. "Lakin Amerika, Britaniya və Almaniya müşahidə edir, Şimali Koreya hərbiçilərinin ukraynalılara hücum etməyə başlamasını gözləyir. Hərəkət etmək lazımdır", deyə Zelenski qeyd edib.

ABŞ-ın məlumatına görə, 8 min koreyalı Rusiyanın tərəfində müharibəyə daxil olmağa hazırdır.

KXDR-in xarici işlər naziri Tsoy Son Xi noyabrın 1-də Moskvaya səfəri zamanı Şimali Koreyanın Rusiyanı "müqəddəs müharibəsində heç kimə baxmadan, güclü şəkildə" dəstəkləyəcək.