Fəal beşinci gündür ki, koloniyada quru aclığı davam etdirir

Fəal Laçın Vəliyev beşinci gündür ki, 10 saylı koloniyada quru aclıq edir. Bu barədə Turan-a onun xanımı Zülfiyə Vəliyeva bildirib.

O, Avropa İnsan Hüquqları Məhkəməsinin təyin etdiyi kompensasiyanı almaq etibarnamənin xanımına verilməsinin qadağan olunmasına etiraz edir. Bundan əlavə, Vəliyev böyrək xəstəliyilə əlaqədar tibbi yardımdan imtinaya etiraz edir.

Zülfiyə Vəliyeva qeyd edib ki, mayın 28-də koloniya rəhbərliyi fəalı qəbul edib və qaldırdığı məsələləri həll edəcəyinə söz verib. Buna baxmayaraq, Vəliyev aclığı davam etdirir, çünki əvvəllər də ona belə vədlər verilib, lakin sonra yerinə yetirilməyib.

Vəliyevin vəziyyəti pisləşir və ona tibbi yardım göstərilmir, hətta digər məhbuslardan təcrid etmirlər.

Penitensiar Xidmətdən şərh almaq mümkün olmayıb.

* Laçın Vəliyev 2021-ci ilin martında “külli miqdarda narkotik maddənin qanunsuz dövriyyəsi” ittihamı ilə həbs edilib. Sonradan “dələduzluq” ittihamı irəli sürülüb və 7,5 il həbs cəzasına məhkum edilib.

Hüquq müdafiəçilərinin fikrincə, Vəliyevin həbsinin əsl səbəbi müxalifətyönlü fəaliyyətidir. O, əvvəllər Müsavat Partiyasının üzvü, sonra isə Xalq Cəbhəsi Partiyasının tərəfdarı olub.

Vəliyev 15 iyul 2020-ci ildə Bakıda keçirilən küçə mitinqlərindən sonra saxlanılıb. 2023-cü ilin sentyabrında Avropa İnsan Hüquqları Məhkəməsi Vəliyevin məhkəmədən əvvəlki ilkin həbsini qanunsuz sayaraq ona 3500 avro kompensasiya ödənilməsini qərara alıb.

Qeyd edək ki, hökumət Laçın Vəliyevin hüquqlarının pozulmasını birtərəfli qaydada tanıyıb və mənəvi ziyanı ödəməyə hazır olduğunu bildirib.