Qarabağ münaqişəsi zonasında son hadisələr göstərdi ki, bundan sonra status-kvo saxlanıla bilməz. Danışıqların bərpa edilməsi, düşmənçiliyə son qoyulması və atəşkəs rejiminin saxlanması üçün birgə səylər vacibdir. Avropa İttifaqının xarici siyasət və təhlükəsizlik üzrə ali nümayəndəsi Federika Mogerininin çərşənbə axşamı Avropa Parlamentinin plenar sessiyasındakı çıxışının leytmotivi belədir.
O qeyd edib ki, bu yaxınlarda Bakı və Yerevana səfəri zamanı nizamlanma məsələsini müzakirə edib. Mogerini nizamlanma yollarının axtarışı ilə bağlı Aİ-nin Cənubi Qafqaz və dondurulmuş münaqişələr üzrə xüsusi nümayəndəsi Herbert Zalberin səylərini qeyd edib və deyib ki, Brüssel ATƏT-in Minsk Qrupunun səylərini dəstəkləyir.
Qarabağ münaqişəsinin mənfi nəticəsindən və sülh üçün təhlükəszindən ətraflı danışan Mogerini buna baxmayaraq, hər hansı orijinal ideya təklif etməyib, münaqişənin baş qaldırması səbəbləri və ya çıxış yolları ilə bağlı fikir söyləməyib.
Sonra çıxış edən deputatlar müxtəlif fikirlər söyləyiblər. Ermənistanın tərəfdarları Bakını tənqid edərək aqressiyada ittiham ediblər, Azərbaycanın tərəfdarları isə bütün səyləri münaqişənin nizamlanmasının əsası kimi ərazi bütövlüyünün təminatına yönəldilməsinə çağırıblar. -02D-
Siyasət
-
Bu gün Bakı Ağır Cinayətlər Məhkəməsində birinci qrup əlil, iflic fəal Famil Xəlilovun məhkəmə prosesi başa çatıb.
-
Fevralın 6-da hökumətyönlü KİV-lər "Rossotrudniçestvo"nun ölkədəki nümayəndəliyinin Azərbaycanda qeydiyyatı olmadığı üçün, Azərbaycanın bu təşkilatın bağlanmasını tələb etdiyi haqqında məlumat yayıb.
-
Beynəlxalq "Qadınlar üçün mətbuat azadlığı" təşkilatı (Women Press Freedom) Azərbaycanda jurnalist Şahnaz Bəylərqızının həbsini pisləyib.
-
"Arqument.az" saytının redaktoru Şəmşad Ağa Meydan TV-nin işi üzrə qaçaqmalçılıqda (CM-in 206.3.2-ci mad.) təqsirli bilinib və 2 ay 1 gün müddətinə həbs edilib. Bu qərarı fevralın 6-da Bakının Xətai Rayon Məhkəməsi qəbul edib, bu barədə Turan-a onun vəkili Şəhla Hümbətova bildirib.
Rəy yaz