Fərid Əhmədov ədliyyə naziri təyin edilib
Bu gün prezident İlham Əliyev Fərid Turab oğlu Əhmədovun ədliyyə naziri təyin edilməsi barədə sərəncam imzalayıb.
İndiyə qədər (2022-ci ildən) o, rəqəmsal inkişaf və nəqliyyat nazirinin müavini vəzifəsində çalışıb.
Fərid Əhmədov 1979-cu ildə Bakıda anadan olub. Bakı Dövlət Universitetinin hüquq fakültəsində bakalavr və magistr təhsili alıb. “Chevening” təqaüdçüsü olaraq İngiltərənin Esseks Universitetində beynəlxalq insan hüquqları ixtisası üzrə magistr dərəcəsi alıb.
Oksford Universitetinin “Weidenfeld” təqaüd proqramı üzrə doktoranturanı bitirib. Hüquq üzrə fəlsəfə doktoru elmi dərəcəsi var.
Milli Məclis aparatında çalışıb, 2015-2017-ci illərdə özəl Azərbaycan Universitetinin rektoru olub. “Bakı Beynəlxalq Dəniz Ticarət Limanı” QSC-də baş direktorun müavini olub.
Siyasət
-
Rusiya Ermənistan-Azərbaycan münasibətlərinin normallaşması və Yerevanla Bakı arasında sülh müqaviləsinin imzalanması üçün hər şeyi edir. Bu barədə çərşənbə axşamı Rusiya prezidenti Vladimir Putin xarici ölkələrin səfirlərinin öz etimadnamələrini təqdim etməsi mərasimində bildirib.
-
"Azərbaycan əhalisi tələdədir. Hava limanı olmadan başqa yolla ölkəyə giriş-çıxış edə bilmir. Hətta oraya getməli olsaydım belə, bunu etməzdim. Rejimi legitimləşdirmək istəmirəm”. Bu barədə İsveçin təbiəti mühafizə sahəsində fəalı Qreta Tunberq “Blankspot” nəşrinə müsahibəsində bildirib. O, Tbilisiyə gedib, oradan Ermənistana getmək niyyətindədir. COP29 iqlim sammitindən heç bir gözləntisi yoxdur.
-
Azərbaycan Xarici İşlər Nazirliyi ölkənin Avropa İttifaqında səfiri Vaqif Sadıqov və Ermənistanın Avropa İttifaqında diplomatik nümayəndəliyinin rəhbəri Tiqran Balayan arasında münaqişənin olması ilə bağlı “Politico” saytının yaydığı xəbəri Turan-a aydınlaşdırmaqdan imtina edib. Nazirlik, sadəcə, təsdiqləyib ki, “Politico” həqiqətən Azərbaycan səfirilə ünsiyyətdə olub və o, xarici KİV-ə bildirib ki, Balayanın söylədiklərinin hamısı yalandır.
-
Noyabrın 5-də Azərbaycan prezidenti İlham Əliyev Türk Dövlətləri Təşkilatı dövlət başçılarının 11-ci sammitində iştirak etmək üçün Qırğızıstana gedib.
Rəy yaz