Bakı/24.03.22/Turan: Martın 24-də saat 16.00-da erməni birləşmələri Ağdamın yaxınlığında yerləşən Fərrux və Xramort kəndlərinin əhalisi ilə birlikdə onları tərk edib. Bu barədə cümə axşamı erməni mətbuatı məlumat yayıb.
Azərbaycan hərbçilərinin Fərrux kəndini atəşə tutmadan nəzarətə götürdüyünü, Rusiya sülhməramlılarının isə baş verənlərə müdaxilə etmədiyi bildirilir.
Bu erməni kəndlərinin icma başçıları Azərbaycan qüvvələrinin Ağdamdan 2-3 kilometr irəlilədiyini təsdiqlədilər.
Son məlumatlara görə, Fərrux kəndi Azərbaycan Silahlı Qüvvələrinin tam nəzarətindədir, Xramorda isə erməni hərbçiləri onu qorumaq üçün bu kəndə qayıdıblar.
Öz növbəsində Azərbaycan Müdafiə Nazirliyi bildirir ki, Ermənistan tərəfinin Qarabağda vəziyyətin gərginləşməsi ilə bağlı bəyanatları reallığa uyğun deyil.
“Mövqelər və dislokasiya yerləri dəqiqləşdirilir, toqquşma və insident baş verməyib”, - deyə məlumatda bildirilib.
Qeyd edək ki, Qarabağın keçmiş Əsgəran rayonunun Fərrux kəndi strateji əhəmiyyətə malikdir. Bu dominant yüksəklikdir, buda Əsgəran rayonunun əksər hissəsini, o cümlədən rayon mərkəzini nəzərət saxlamağa imkan verir. -0-
Siyasət
-
İstanbul Universitetinin dioktorantı, 146 gündür həbsxanada aclıq edən Fazil Qasımov quru aclığa keçəcəyini bildirib. Bu barədə onun ailəsi noyabrın 5-də Fazil Qasımov ilə telefon danışığından sonra “Amerikanın səsi”nə bildirib.
-
Dini xeberman.com saytının təsisçisi, noyabrın 4-də koloniyada aclıq elan edən Polad Aslanov həmin gün axşam məcburi qaydada Penitensiar Xidmətin müalicə müəssisəsinə köçürülüb. Bu barədə Turan-a onun xanımı Gülmirə Aslanova bildirib.
-
Ukraynanın Azərbaycandakı səfirliyi bildirir ki, 9 noyabr 2024-cü il saat 12:00-da Bakıda Ukrayna Mərkəzinin açılışı olacaq. Əvvəlcə Azərbaycanda Ukrayna mədəniyyətini, dilini, irsini və təhsilini təbliğ etmək üçün yaradılmış Ukrayna Mərkəzi təmir edilib və genişləndirilib.
-
1 saylı Bakı İstintaq Təcridxanasında fəal Nicat İbrahimin vəziyyəti kəskin pisləşib. Bu barədə Turan-a onun xanımı Pərvanə İbrahim bildirib.
Rəy yaz