Əhməd Muxtar
Ötən cümə günü “Meydan” TV-nin jurnalistləri ilə eyni vaxtda saxlanılan foto-reportyor Əhməd Muxtar dekabrın 8-də 20 sutka inzibati həbs cəzasına məhkum edilib.
O, İnzibati Xətalar Məcəlləsinin 510 (xırda xuliqanlıq) və 535.1-ci (polisə tabe olmamaq) maddələrilə təqsirli bilinib. Bu barədə onun jurnalist həmkarları bildiriblər.
Muxtardan başqa “Meydan” TV-yə aidiyyatı olmayan bəzi şəxslər- zoomüdafiəçi Kamran Məmmədli, idman jurnalisti Rəşid Ergün və Elnur Cəbrayılzadə də polisə aparılıb.
Sonuncu üç nəfər jurnalistlər saxlanıldığı vaxt onların yanında olub.
Onlardan başqa bir neçə nəfər “Meydan” TV-nin əməkdaşları ilə birlikdə saxlanılıb. Onları bir sutka saxladıqdan sonra buraxıblar.
Kamran Məmmədli bildirib ki, polisdə onu döyüblər və elektroşokla işgəncə veriblər.
Siyasət
-
2025-ci il fevralın 15-də və 18-də Day.az saytında Turan İnformasiya Agentliyinin fəaliyyəti ilə bağlı böhtan xarakterli iddialar irəli sürülən məqalələr dərc edilib. Bu materiallarda müəllif agentliyi Qərb maliyyəsindən asılı və xarici strukturların maraqlarına tabe olan bir qurum kimi təqdim etməyə cəhd edir.
-
Moldova Xarici İşlər Nazirliyi mədəniyyət mərkəzlərinin yaradılması və fəaliyyət göstərməsi ilə bağlı 1998-ci il tarixli Moldova-Rusiya sazişinə birtərəfli qaydada xitam verilməsi barədə qərar qəbul edib.
-
Dövlət başçısının sərəncamı ilə Rüfət Mahmud “İçərişəhər” Dövlət Tarix-Memarlıq Qoruğu İdarə Heyətinin sədri təyin edilib.
-
Fevralın 13-də Apellyasiya Məhkəməsi jurnalist Şahnaz Bəylərqızının həbsilə bağlı Xətai Rayon Məhkəməsinin qərarından müdafiə tərəfinin şikayətini təmin etməyib.
Rəy yaz