!["Fransa casusu" işində yeni fiqurant](https://turan.az/resized/news/2024/5z4vLfAOVTvplC3ulnzuJ3SpSJ2fo5oOpdN5xPM0-750-500-resize.webp)
"Fransa casusu" işində yeni fiqurant
"Fransa casusu" işində yeni fiqurant
Azərbaycanda "Fransanın casus şəbəkəsinin" ifşa edilməsi haqqında iş üzrə rəsmi məlumatın olmaması fonunda xarici KİV-lər bu məsələnin yeni təfərrüatlarını açıqlayır.
Xatırladaq ki, dekabrın əvvəllərində bu iş üzrə özəl bizneslə məşğul olan Fransa vətəndaşı Martin Rian Bakıda saxlanılıb. O, casusluqda ittiham olunub, bu zaman Fransanın Azərbaycandakı səfirliyinin iki əməkdaşı persona non-qrata elan olunub.
Fransanın "Observer Online" qəzeti bildirib ki, bu iş üzrə daha bir nəfər - Azərbyacan vətəndaşı A.Məmmədli həbs olunub. O, "Fransa vətəndaşlığı verilməsi və maddi mükafat müqabilində" Fransa vətəndaşı Rianla "geniş məxfi əlaqələr" qurmaqda ittiham olunur.
Onun regionla bağlı məlumat toplamaqla və Fransa xüsusi xidmətlərinə ötürməklə məşğul olduğu iddia olunur.
Mənbənin məlumatına görə, Rian və A.Məmmədli kəşfiyyat əməkdaşlarının tapşırığı ilə Fransanın "Societe Generale" bankının əməkdaşları ilə əlaqələr qurublar.
Məmmədli Azərbaycan banklarında bankın "müxbir hesablarının" açılmasında və digər məsələlərlə bağlı banklararası müqavilələrin bağlanmasında iştirak edib.
Bütün bu məlumatlardan casusluğun nədən ibarət olduğu və bank hesabları açılmasının məsələ ilə hansı əlaqəsinin olduğu aydın deyil.
Qeyd edək ki, Rianın azərbaycanlı vəkili şərh verməkdən imtina edir, A.Məmmədlini kimin müdafiə etdiyini isə öyrənmək mümkün olmayıb.
Siyasət
-
Aİ prezidenti Çarlz Mişelin keçmiş diplomatik müşaviri Maqdalena Qrono Aİ-nin Cənubi Qafqaz üzrə yeni xüsusi nümayəndəsi təyin edilib.
-
İyulun 16-da Azərbaycanın energetika naziri Pərviz Şahbazov İsrailin regional əməkdaşlıq naziri David Amsalemi qəbul edib.
-
Qazaxıstan Respublikasında keçirilən "Birləşdik - 2024" beynəlxalq əməliyyat-taktiki komanda-qərargah təlimi başa çatıb.
-
1 saylı Bakı İstintaq Təcridxanasında saxlanılan İstanbul Universitetinin doktorantı Fazil Qasımov 33 gündür “qanunsuz həbsinə” etiraz olaraq aclığı davam etdirir. O, yalnız su qəbul edir.
Rəy yaz