Fransa Ermənistana üç ədəd Ground Master 200 radarı göndərib
Fransanın Ermənistandakı səfiri Olivye Dekotini bildirib ki, Paris Yerevana üç ədəd Ground Master 200 radarı göndərib.
Ground Master 200 hava hücumundan müdafiəni təmin etmək üçün çoxməqsədli orta mənzilli radardır.
Yüksək mobilli GM200 250 kilometrədək məsafədə az və çox hündürlükdə hədəfləri aşkarlayır və eyni zamanda müşayiət edir və hədəfi 100 kilometrədək məsafədə vurmaq üçün hava hücumundan müdafiə silahlarının koordinasiyasını təmin edir.
Səfirin bildirdiyinə görə, "Fransa Ermənistana elə hərbi texnika göndərir ki, başqaları onu ala bilmir". Bu barədə o X platformasındakı hesabında yazıb.
Siyasət
-
İnsan Hüquqları Müdafiəçilərinin Müdafiəsi Rəsədxanası (OPHRD) azərbaycanlı hüquq müdafiəçisi Rüfət Səfərovun həbsini pisləyib və ona qarşı ittihamların dərhal ləğv edilərək sərbəst buraxılmasına çağırıb.
-
Dekabrın 21-də Müsavat Partiyasının qərargahında mərhum ictimai fəal Nərgiz Yaqublunun adına təsis olunmuş mükafatın təqdimatı keçirilib. Mükafat hazırda həbsdə olan "III Respublika Platforması"nın (Resplatforma) spikeri Akif Qurbanova təqdim olunub. Müsavat Partiyasının başqanı İsa Qəmbər Qurbanovun Azərbaycanda demokratik, cümhuriyyət dəyərlərinin bərqərar olması uğrunda apardığı ardıcıl mübarizəyə görə bu mükafata layiq olduğunu deyib.
-
Dövlət Departamentinin sözçüsü TURANa bildirib ki, Birləşmiş Ştatlar Gürcüstanda demokratiyanı sarsıtmaqda günahkar olan daha on məmura viza qadağası qoyacaq və bununla da onların ümumi sayı 100-dən çox olacaq.
-
Azərbaycan prezidenti İlham Əliyev Almaniyanın Maqdeburq şəhərində baş vermiş faciəli hadisə ilə əlaqədar prezident Frank-Valter Ştaynmayerə başsağlığı verib.
Rəy yaz