![Fransa hökuməti və Capago Azərbaycan vətəndaşları üçün viza xidmətləri haqqında sazişi yeniləyiblər](https://turan.az/resized/news/2024/1eaNyO0ty7hzipC4gnG6OKXRZyJ4fmErDRvTvfF4-750-500-resize.webp)
Fransa hökuməti və Capago Azərbaycan vətəndaşları üçün viza xidmətləri haqqında sazişi yeniləyiblər
Fransa hökuməti və Capago Azərbaycan vətəndaşları üçün viza xidmətləri haqqında sazişi yeniləyiblər
Tərəflər arasında imzalanan yeni müqaviləyə əsasən, Capago şirkəti Fransanın Azərbaycandakı səfirliyində viza müraciətlərinin qəbulunu davam etdirəcək. Bu barədə avqustun 29-da Capago-Azerbaijan şirkətinin yenilənmiş Viza Müraciətləri Mərkəzində keçirilən tədbirdə bildirilib.
Sazişin yenilənməsi Fransa hökuməti və Capago şirkəti arasında uzunmüddətli əməkdaşlıqda yeni mərhələsindən xəbər verir və onun viza üçün müraciət edənlərə keyfiyyətli xidmət göstərmək öhdəliklərini gücləndirir, deyə qurumun icraçı direktoru Jan Lyuk Barqoe bildirib.
Capago-Azerbaijan 2017-ci ildən Azərbaycanda fəaliyyət göstərir və həmin vaxtdan etibarən 90-a yaxın viza müraciətini emal edib, deyə şirkətin Azərbaycan nümayəndəliyinin direktoru Afiq Atakişiyev bildirib.
Vizaların verilməsi Fransanın xarici siyasətinin mühüm hissəsini təşkil edir, belə ki, iqtisadi, akademik, turizm, humanitar, ailəvi, şəxsiyyətlərarası əlaqələrin inkişafına şərait yaradır, deyə bu ölkənin Azərbaycandakı səfiri Ann Buayon (Anne Boillon) bildirib.
O qeyd edib ki, Fransa səfirliyinə viza müraciətlərinin sayı artıq "koviddən öncəki" dövrün göstəricilərini keçib.
Fransa səfirliyi Azərbaycanda Şengen vizalarının verilməsinin sayına görə ilk sıradadır. Vizaların 30 faizi onun payına düşür. Fransa səfirliyi təkcə bu ölkəyə deyil, İspaniya, Portuqaliya, Belçika, Niderland və Lüksemburqa səfər müraciətlərinə də baxır.
Capago-Azerbaijan şirkətinin hələ də Globus Plaza-da yerləşən yenilənmiş viza mərkəzində xidmət şərtləri yaxşılaşdırılıb, daha geniş gözləmə yerləri yaradılıb, müasir avadanlıqlar quraşdırılıb, əlavə xidmətlər nəzərdə tutulur.
Siyasət
-
Rusiyanın Azərbaycandakı səfiri Mixail Evdokimov cümə günü RIA Novosti ilə müsahibəsində Rusiya-Azərbaycan əlaqələrinin davamlı gücünü vurğuladı. Evdokimov, iki ölkə prezidentləri arasında uzunmüddətli dostluq və hörmətlə xarakterizə edilən ikitərəfli əlaqələrin qlobal geosiyasi mənzərənin çətinliklərinə baxmayaraq inkişaf etməyə davam etdiyini qeyd etdi.
-
Avqustun 30-da Azərbaycan prezidenti İlham Əliyev Azərbaycan-Türkiyə parlamentlərarası dostluq qrupunun rəhbəri Şamil Ayrımın başçılıq etdiyi Türkiyə Böyük Millət Məclisinin üzvlərindən ibarət nümayəndə heyətini qəbul edib.
-
Beynəlxalq seçki müşahidəçiləri 2 sentyabr tarixində Azərbaycanda keçirilmiş erkən parlament seçkilərindən sonra əldə etdikləri nəticələri təqdim etmək üçün mətbuat konfransı keçirəcəklər. Tədbir saat 15:00-da (yerli vaxtla GMT +4) Bakıda, Landmark otelində baş tutacaq.
-
Beynəlxalq Qızıl Xaç Komitəsi (BQXK) Azərbaycanda 4000-ə yaxın itkin düşmüş şəxsin taleyinə aydınlıq gətirilməsi üçün Azərbaycan Respublikası Əsir və itkin düşmüş, girov götürülmüş vətəndaşlarla əlaqədar Dövlət Komissiyası (Dövlət Komissiyası) ilə sıx əməkdaşlıq edir.
Rəy yaz