�Futbol oyunu sadəcə bəhanədir�

Bakı/24.05.19/Turan: ReAL Partiyasının mayın 26-na planlaşdırılmış İstiqlaliyyət abidəsinin önündə gül qoymaqla tədbirənə icazə verilməyib.

Partiyanın Məclis üzvü Azər Qasımlı AzadlıqRadiosuna bildirdi ki, mayın 26-da ReAL üzvləri İstiqlaliyyət abidəsinin önündə toplaşıb gül qoymaqla Cümhuriyyətinin 101-ci illiyini qeyd etməli idi. Lakin bu gün bakı Şəhəri Baş Polis İdarəsindən (BŞBPİ) ReAL sədri İlqar Məmmədova bildirilib ki, mayın 29-da Bakıda keçiriləcək Avropa Liqasının final matçı ilə bağlı təhlükəsizlik tədbirlərinə görə, tədbirin şəhərin mərkəzində keçirilməsi məqsədə uyğun deyil. BŞBPİ-nin əməkdaşları ReAL-a tədbirin keçirilməsi üçün Novxanı kəndini məsləhət gördülər.

Bundan əvvəl ReAL tədbirin keçirilməsini mayın 28-də planlaşdırmışdır, lakin eyni səbəbə görə abidənin ziyarəti mayın 26-na təxirə salındı.

Azər Qasımlının sözlərinə görə, şəhərin mərkəzində kütləvi tədbirin qarşısını almaq üçün Azərbaycan hakimiyyəti bir bəhanə kimi Bakıda keçiriləcək Avropa Liqasının final oyunu götürüb. Siyasətçi deyib ki, bunu sübut etmək çox asandır. "İstiqlaliyyət abidəsini n ziyarəti final oyunu ilə eyni gündə keçirilmir. Həmçinin abidə matç keçirələcək stadionundan olduqca uzaq yerləşir. Polis tədbirin keçirilməsinə qadağanı təhlükəsizliklə əlaqələndirir. Lakin inanmıram ki, 28 may günorta saat 12-də hansısa fanat İstaqlaliyyət abidəsinin önündə dava salsın və ya dava salaq. Həmin yerdə heç "pub" belə yoxdur. Bu sadəcə bəhanədir".

ReAL-ın sözçüsü əlavə etdi ki, abidənin ziyarətinə faktiki olaraq qadağa qoyulmasının səbəbi ondan ibarətdir ki, uzun illər azərbaycan müxaliəti Cümhuriyyət gününü Bakının mərkəzində yox, Novxanıda keçirirdi.

"Axı şəhərin mərkəzində Məmməd Əmin Rəsulzadənin bir dənə də olsun abidə yoxdur. Ona görə yoxdur ki, təşkilatlar şəhərin mərkəzində yox, kənarda tədbir keçirməsinlər. Bu qayda keçən ilə qədər işləyirdi. Keçən il isə ReAL və sivil toplum nümayəndələri Cümhuriyyətin 100 illiyi ilə bağlı şəhərin mərkəzinə kütləvi yürüş keçrtdilər, bunun nəticəsində 5 nəfər inzibati qaydada həbs olundu və hakimiyyət indi bunun təkrarlanmasını istəmir, ona görə də bizi Novxanıya göndərir", o gileyləndi.

Mili Şuranın sədri Cəmil Həsənli isə hesab edir ki, İstiqlal abidəsinin ziyarətinə imkan verilməməsi sərbəst toplaşma azadlğın pozulmasıdır.

"Bu Azərbaycan Cümhuriyyətinin ildönümü ilə əlaqədar sadəcə anım tədbiridir. Bu tip tədbirləri Bakıda hər hansı beynəlxalq turniri ilə əlaqələndirmək tamamilə əsassızdır. Bu Cümhuriyyətinin xatirəsinə hörmətsizlikdir", Həsənli vuruğladı.

Həsənli ziyarətinə imkan verilməməsini hakimiyyətin öz resurslarından istifadə edərək siyasi partiyaların fəaliyyətinin məhdudlaşdırılması kimi qiymətləndirib.

"Abidənin ziyarətinə məhdudiyyət qoyulması sərbəst toplaşma azadlığına ziddir. Bu Konstitusiyada təsbit olunmuş birləşmək hüququnu və İnsan Hüquqları və Əsas Azadlıqların Müdafiəsinə dair Avropa Konvensiyasının 11-ci maddəsini (Birləşmək hüququ) pozur. Avropa İnsan Haqları Məhkəməsində Azərbaycanla bağlı yüzlərlə bu tipli işlər var və artıq çoxlu qərarlar qəbul olunub və Azərbaycan sərbəst toplaşma və birləşmə azadlıqların pozulmasına görə cərimələnib", hüquqşünas Samirə Ağayeva qeyd elədi.

Bakı Şəhər Baş Polis İdarəsindən və Daxili İşlər Nazirliyindən məsələ ilə bağlı məlumat almaq hələ ki, mümkün olmayıb.--0--