Arif Hacılının evinə polis gəlib

Bakı/24.05.19/Turan: Mayın 24-də Müsavat Partiyasının başqanı Arif Hacılınnın Zaqatala rayonunda yerləşən ata evinə polis əməkdaşları gəlib.

Ariff Hacılının sözlərinə görə, polisin 7-8 əməkdaşı darvazaları zor gücünə açaraq həyətə daxil olublar və qonşulardan Mustafa Hacıbəylinin yerini soruşublar.

Hacılı qeyd etdi ki, polisin onun ata evinə gəlməsi sabaha, mayın 25-ə keçirilməsini planlaşdırılan partiyanın yerli təşkilatların konfransı ilə bağlıdır.

"Məlumat aldım ki, Zaqatalanın hakimiyyət strukturları məsələ ilə bağlı ciddi narahat olublar və toplantının atam evində keçirilməsilə bağlı qərar qəbul etdik. Bu barədə hakimiyyət strukturları xəbər tutub və toplantın keçirilməsinə maneçilik törətmək xəttini götürüblər. Bizə irad bildirilib ki, toplantı haqqında yerli icra hakimiyyət orqanlarına məlumat verilməyib və deyilib ki, əgər sabah tədbir keçirilərsə qarşıdurma yaranacaq", o bildirdi.

Müsavat başqanı həmçinin bildirib ki, Zaqatalada yaşayan Müsavat partiyasının üzvlərinə polis tərəfindən təzyiqlər başlayıb.

Hacılı hesab edir ki, polislərin onun atasının evinə gəlməsi bir neçə qanunu pozub. "Siyasi partiyalar keçirdikləri toplantılar barədə xəbər verməməlidir, çünki bu toplantılar "Sərbəst toplaşma haqqında" Qanunu ilə tənzimlənmir. Bu kütləvi aksiyalar deyil.

"Siyasi partiyalar haqqında" Qanuna görə partiyalar toplantılarını keçirtməkdə tam müstəgildilər və polislər bu gün həmin qanunu pozub. Həmçinin onlar mülkiyyət hüququnu pozub, çünki mənim şəxsi mülkiyyətin ərazisinə daxil olublar", Musavatın başqani vuruğladı.

Sonda Hacılı bildirib ki, bütün bunlara baxmayaraq sabaha planlaşdırılan tədbir baş tutacaq.

Zaqatala rayon Polis Şöbəsindən və Daxili İşlər Nazirliyindən hadisə ilə bağlı hələ ki, məlumat almaq mümkün olmayıb.--0--