GUAM fəallaşır

Müsavat Partiyasının sədri Arif Hacılı GUAM (Gürcüstan, Ukrayna. Azərbaycan, Moldova) regional təşkilatının fəaliyyətinin bərpası təşəbbüsü ilə çıxış edib. Bura dörd keçmiş sovet respublikasının qonşusu və müttəfiqi Türkiyənin də daxil edilməsi nəzərdə tutulur.

Ukraynanın 24tv telekanalı bildirib ki, Müsavat Türkiyənin regionda Rusiya-İran-Suriya birliyinin hegemonluğunun qarşısının alınmasına yönələn qətiyyətli addımlarını dəstəkləyir. 

Türkiyə və Latviyanın müşahidəçi kimi çıxış etdiyi GUAM son vaxtlar öz fəaliyyətini genişləndirib.

Noyabrda Kiyevdə GUAM fövqəladə hallar ürə İşçi Qrupun 13-cü iclası, həmçinin GUAM Milli Koordinatorlar Şurasının (MKŞ) 36-cı iclası keçirilib.

İclas iştirakçıları BMT Baş Assambleyasının sessiyası zamanı “GUAM məkanında yubadılmış münaqişələr və onların beynəlxalq sülh, təhlükəsizlik və inkişaf üçün nəticələri” layihəsinin irəliləməsi üçün təşkilatın tərəfdaşları ilə aparılan məsləhətləşmələrin yekunlarını dinləyiblər.

Həmçinin noyabrda “GUAM-Tranzit -2” konfransı keçirilib. Tədbir Transxəzər beynəlxalq nəqliyyat marşrutuna həsr olunub.

Dekabrın 11-12-də GUAM Parlament Assambleyaının plenar iclasının keçirilməsi planlaşdırılıb.

* GUAM - demokratiya və iqtisadi inkişaf naminə təşkilatı 1997-ci ildə yaradılıb (xartiya 2001-ci ildə, nizamnamə 2006-cı ildə imzalanıb).

Kreml GUAM-a Rusiya üçün düşmənçilik mövqeyində olan təşkilat kimi baxır və hesab edir ki, bu ittifaq MDB-yə zidd qurum kimi  ABŞ-ın təşəbbüsü ilə yaradılıb.0-