Gülər Əhmədova: Mən danışsam, həmin təhqirləri yağdıran insanlar çox peşman olacaqlar.
Kəskin tənqid və təhqirlərlə üzləşən sabiq deputat Gülər Əhmədova oktyabrın 11-də Facebook statusunda özünün və ailəsinin mənəvi və fiziki repressiyalardan qorumasına kömək üçün prezident İlham Əliyevə müraciət edib. Sabiq deputatın müraciətində hədələyici xəbərdarlıq notu da var.
Müraciətdə deyilir: “Mən iki gün öncə yaydığım rəsmi bəyanatda bildirmişdim ki, istintaqa kömək etmək məqsədilə öz deputat mandatımdan imtina etdim və istintaqda ifadəmi verdim. Bundan sonra KİV və ictimaiyyətə heç bir açıqlama verməmək barədə vəd verdim. Lakin daha sonrakı müşahidələrim göstərdi ki, bəzi həmkarlarım mənim barəmdə təhqir, şer və iftira yağdırmağa başladılar. Bununla həmin insanlar istintaqın gedişinə mane olur, istintaqın istiqamətini yanlış yönə çevirməyə çalışırlar. Mən barəmdə səslənən təhqirlərə dözmək fikrində deyiləm. Həmin insanlara üzümü tutub deyirəm ki, mənim ağzımı açdırmasınlar. Mən danışsam, həmin təhqirləri yağdıran insanlar çox peşman olacaqlar.
Sonda Cənab Prezidentə müraciət edirəm. Sizin nəzarətinizdə olan istintaq prosesi bitməmiş Sizin sədr olduğunuz partiyanın üzvləri mənim barəmdə təhqir dolu açıqlamalar səsləndirir və məni doğma partiyamdan xaric etməklə hədələyirlər. Mən artıq millət vəkili deyiləm. Bir qadın və ana olaraq, məni və ailəmi bu mənəvi və fiziki repressiyalardan qorumağınızı Sizdən rica edirəm».
G.Əhmədovanın telefonuna cavab verən xanım Amerikanın Səsi radiosuna sabiq deputatın səhhətində problemlər olduğundan danışmaq iqtidarında olmadığını bildirib.
Bu il sentyabrın 25-də deputat G.Əhmədovanın Fransada mühacirətdə olan fəaliyyəti dayandırılmış Beynəlxalq Universitetin rektoru Elşad Abdullayev özünün deputat olması üçün yüksək vəzifəli dövlət məmuruna rüşvət çatdırılması barədə danışıq əks olunmuş videonu sosial şəbəkələrdə yayıb. Video geniş ictimai tənqidlərlə qarşılanıb.
Gülər Əhmədova deputata mandatından imtina edib
Video ilə bağlı fakt üzrə Cinayət Məcəlləsinin 178.3.2-ci maddəsi (külli miqdarda ziyan vurmaqla dələduzluq) ilə cinayət işi qaldırılıb. Gülər Əhmədova istintaq tərəfindən şahid qismində dindirilib.
Buna baxmayaraq, tənqid və təhqirlər azalmır. Sosial şəbəkələrdə, mediada son günlərin ən aparıcı mövzusu bu video və onun ətrafında baş verənlər aparıcı mövzu kimi qalır. Hətta Gülər Əhmədovanın üzvü olduğu Yeni Azərbaycan Partiyasına yaxın qəzetlərdə onunla bağlı həcv dolu şerlər dərc edilir.
-
- Sual-cavab
- 11 Oktyabr 2012 18:00
-
- Siyasət
- 11 Oktyabr 2012 22:00
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz