Mübariz Qurbanlı: Azərbaycan dəymiş qurdlu almadır

“Gülərgeyt” ölkədə böhranın göstəricisi deyil, sadəcə olaraq, ictimai-siyasi vəziyyətin sabitliyini pozmaqda maraqlı olan siyasi qüvvələr var, deyə Yeni Azərbaycan Partiyasının icraçı katibinin müavini, deputat Mübariz Qurbanlı obyektiv.tv-yə müsahibəsində bildirib.

Onun sözlərinə görə, partiyanın iki sıravi üzvünün (keçmiş deputat Gülər Əhmədova və keçmiş rektor Elşad Abdullayev) videogörüntüləri hakim partiyanın siyasi şurasında müzakirə mövzusu olmayıb.

“YAP-ın icraçı katibi Əli Əhmədov baş verənlərə və partiya nümayəndəsinin parlamentdə ləyaqətsiz hərəkətlərinə obyektiv qiymət verib və bununla da məsələyə nöqtə qoyulub”, deyə Qurbanlı bildirib.

“Bəzi müxalif nəşrlər deputat mandatı ilə bağlı sosial şəbəkələrdə yayılmış hərracı qərəzli olaraq Azərbaycan hakimiyyətinin anatomiyası adlandırır. Dünya ictimaiyyəti baş verən prosesləri daha obyektiv izləyir, dövlətin xeyli irəlilədiyinə diqqət çəkir”, deyə Qurbanlı bildirib.

Hər nöqteyi-nəzərdən imkanları olan Azərbaycan yetişmiş almaya bənzəyir ki, ona mütləq qurd düşər. Bir parazit üzündən meyvəni atmayacağıq ki, deyə Qurbanlı fikrini bədii şəkildə ifadə edib.

Siyasi müxalifət hətta təbii fəlakətlər – daşqınlar, zəlzələlərlə bağlı hakimiyyətə “irad tutur”, onların nəticələrini hakimiyyətin üzərinə qoyur. Buna görə müxalifət üçün keçmiş məmurun fırıldaqçılığı “taleyin hədiyyəsi” oldu. İndi onlar il boyu bu haqda danışacaqlar, sanki ölkədə heç bir müsbət dəyişiklik baş vermir”, deyə siyasətçi qeyd edib.

Əhmədovanın hərəkətlərinə qiymət verən Qurbanlı bildirib ki, o, Abdullayevə “atmaq” və daha çox pul qazanmaq istəyi ilə öz zəifliyini göstərib. Bunun üçün o, hakimiyyətə əli çatması ilə öyünür. “Həqiqətən bu haqqa malik olan insan heç vaxt bu strateji resursla fəxr etməzdi”, deyə Qurbanlı bildirib. 

YAP ictimai müzakirələr üçün açıqdır və bütün normal təşəbbüsləri diqqətə alır. Məhz hazırki hakimiyyət rəqiblərlə dialoq üçün şərait yaradıb. 

Və bu gün YAP konstruktiv dialoqa hazırdır. Təəssüf ki, radikal müxalifət danışıqlar masası arxasına əyləşmək cəhdlərinə konstruktiv təkliflərlə deyil, mitinqlər, piketlərlə cavab verir, deyə hakim partiyanın sədr müavini şikayət edib.

Onun sözlərinə görə, “Yeni Azərbaycan” partiyası Gürcüstandakı dəyişiklikləri alqışlayır və “Gürcü arzusu”nun qələbəsini həm də gürcü cəmiyyətinin inkişafı üçün müvafiq zəmin yaratmış prezident Saakaşvilinin qələbəsi hesab edir. -17D-

https://www.youtube.com/v/E9NiWZfUkC0?version=3&hl=en_US