Gürcüstan parlamenti rusiyalı casuslara amnistiya verir
Cümə günü axşam Gürcüstan parlamenti prezident Mixail Saakaşvilinin amnistiya haqqında qanun layihəsinə qoyduğu vetonu götürüb. Bu, demək olar ki, Gürcüstanda həbsdə olan bütün məhbuslara şamil ediləcək. Amnistiya üzrə azadlığa çıxacaq şəxslərin arasında Rusiyanın xeyrinə casusluğa görə mühakimə olunanlar da var.
Dekabrın 27-də prezidentin imzalamaqdan imtina etdiyi amnistiya haqqında qanun layihəsi Gürcüstan türmələrində olan bütün məhbusların, həmçinin Gürcüstan parlamentinin siyasi məhbus statusu verdiyi adamların azadlığa buraxılmasını və ya cəzasının yüngülləşdirilməsini nəzərdə tutur.
Rusiyanın xeyrinə casusluğa cəza çəkənlər də siyasi məhbus kimi tanınıblar. Parlamentin sədri David Usupaşvili açıqlama verib ki, “Amnistiya haqqında” qanun hələlik qüvvəyə minməyib, belə ki, vetonun aradan götürülməsi haqqında qərar yenidən prezidentə göndərilməlidir. Dövlət başçısı 7 gün ərzində qanunu imzalamalıdır.
“Əgər o, yenə də qanunu imzalamaqdan imtina edərsə, o zaman bunu parlamentin spikeri edəcək. Məhz həmin andan qanun dərcə hazır olacaq. Bundan sonra hüquqi qüvvəyə malik olacaq”, - Usupaşvili vurğulaylb.
İlkin məlumatlara görə, amnistiya nəticəsində 3,5 minə yaxın məhbus buraxılacaq. Bundan əlavə, 5,5 min məhbus vaxtından əvvəl azadlığa çıxacaq.
M.Saakaşvili “Amnistiya haqqında” qanuna vetonun parlament tərəfindən götürülməsini biabırçı fakt adlandırıb. O xəbərdarlıq edib ki, ali qanunverici orqan öz hərəkəti ilə kriminogen durumun pisləşməsinə xidmət edir və “casusları şirnikləndirir”.
“Parlament rusiyalı casusların hamısını buraxıb və parlamentin qərarı satqınları şirnikləndirəcək”, - prezident qeyd edib.
Siyasi amnistiyaya İnsan Haqlarının Müdafiəsi Komitəsi bir neçə QHT-nin dəstəyi ilə təşəbbüs göstərib.-02D-
-
- Cəmiyyət
- 29 Dekabr 2012 16:54
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz