Gürcüstan Sarkisyana dəmir yolunu açmaqdan imtina etdi
Tbilisi/19.06.14/Turan-Armİnfo: Gürcüstan və Ermənistan hökumətləri nümayəndələrinin görüşündə Abxaziya dəmir yolunun açılışı məsələsinə baxılmır, bu barədə Gürcüstanın iqtisadiyyat naziri Georgi Kvirikaşvili və Gürcüstan XİN rəhbəri Mayya Pancikidze jurnalistlərin sualına cavabda bildirib.
Kvirikaşvilinin sözlərinə görə, bu məsələ həm texniki, həm də siyasi nöqteyi-nəzərdən kifayət qədər mürəkkəbdir. Mayya Panckidze də buna bənzər fikir bildirərək, qeyd edib ki, bir saat yarım davam edən görüşdə dəmir yolu haqqında bir söz belə söylənməyib.
Qeyd edək ki,Tbilisiyə rəsmi səfərə gələn Ermənistan prezidenti Serj Sarkisyan bildirib ki, Ermənistan Gürcüstan və Rusiya arasında Abxaziya vasitəsilə birbaşa dəmiryolu əlaqəsini bərpa etmək istəyir, amma hələlik bu mövzuda “ciddi söhbət” aparılmır, biz bu yolun fəaliyyətə başlamasını istəyirik. Bizim üçün bu, həyati əhəmiyyət kəsb edir”, deyə o billdirib.
Dünən Gürcüstanın dövlət naziri Paata Zakareişvili Rusiya Dəmiryolu idarəsinin rəhbəri Vladimir Yakuninin “diqqəti Abxaziya və Gürcüstan vasitəsilə Ermənistana dəmiryolu əlaqəsinin açılması məsələsi üzərində cəmləşdirməyin vaxtı çatıb” bəyanatı ilə bağlı şərh verib.
Zakareişvili qeyd edib ki, Abxaziya vasitəsilə dəmir yolu əlaqəsinin açılması məsələsi konkret müzakirə mərhələsində deyil, baxmayaraq ki, yaxın gələcəkdə bu, Gürcüstan və Rusiya arasında müzakirə predmeti ola bilər. -02D-
-
- İqtisadiyyat
- 19 İyun 2014 15:43
-
- İqtisadiyyat
- 19 İyun 2014 15:49
Siyasət
-
Aİ prezidenti Çarlz Mişelin keçmiş diplomatik müşaviri Maqdalena Qrono Aİ-nin Cənubi Qafqaz üzrə yeni xüsusi nümayəndəsi təyin edilib.
-
İyulun 16-da Azərbaycanın energetika naziri Pərviz Şahbazov İsrailin regional əməkdaşlıq naziri David Amsalemi qəbul edib.
-
Qazaxıstan Respublikasında keçirilən "Birləşdik - 2024" beynəlxalq əməliyyat-taktiki komanda-qərargah təlimi başa çatıb.
-
1 saylı Bakı İstintaq Təcridxanasında saxlanılan İstanbul Universitetinin doktorantı Fazil Qasımov 33 gündür “qanunsuz həbsinə” etiraz olaraq aclığı davam etdirir. O, yalnız su qəbul edir.
Rəy yaz