Gürcüstan Türkiyə və Azərbaycanla birgə Avropanın enerji təhlükəsizliyinə töhfə verəcək
Tbilisi/29/05/14/Turan-BS PRESS: Gürcüstan Azərbaycan və Türkiyə ilə birlikdə Avropanın enerji təhlükəsizliyinin təmin edilməsinə töhfə verə bilər. Bu barədə Gürcüstanın müdafiə naziri İrakli Alasaniya dünən Almaniyada keçirilən enerji təhlükəsizliyi üzrə konfransda çıxış edərkən bildirib.
“Gürcüstanın malik olduğu geosiyasi mövqe Azərbaycan və Türkiyə ilə birgə Avropanın enerji təhlükəsizliyinin təmin edilməsinə töhfə verməsinə şərait yaradır”, deyə Gürcüstan naziri bildirib.
Alasaniya çıxışı zamanı regionda təhlükəsizlik məsələlərinə də toxunub. O, əsas diqqəti regionda sabitliyin və təhlükəsizliyin təmin edilməsinin və ölkənin tranzit potensialının artırılmasının əhəmiyyətinə çəkib.
“Biz son illər Gürcüstanın nailiyyətləri, dövlət qurumlarında, məhkəmə sistemində sürətlə islahatlar aparılması, Gürcüstanın Aİ ilə assosiasiya sazişi imzalamağa hazır olduğu barədə danışdıq ki, bunlar Avropaya yaxınlaşmaq üçün daha çox imkan yaradacaq”, deyə Alasaniya bildirib.
“Cənub qaz dəhlizi” Avropaya öz karbohidrogen tədarükü mənbələrini müxtəlifləşdirmək və enerji təhlükəsizliyini artırmaq, Azərbaycana isə Avropanın şəxsində yeni bazar qazanmaq imkanı verəcək layihədir.
17 dekabr 2013-cü ildə Azərbaycanın “Şah dəniz” dəniz qaz-kondensat yatağının işlənməsinin ikinci mərhələsi üzrə yekun investisiya qərarı qəbul edilib. Bu yataqdan 10 milyard kubmetr həcmində qaz Avropa bazarına daxil olacaq.
Sübut edilmiş ehtiyatları 1,2 trilyon kubmetr qaz olan “Şah Dəniz” dəniz yatağının işlənməsi haqqında müqavilə 1996-cı il iyunun 4-də imzalanıb.
2019-cu ildə Azərbaycan, Gürcüstan və Türkiyədən keçməsi planlaşdırılan Cənub qaz dəhlizi layihəsi sonradan Yunanıstan, Albaniya və İtaliyaya qədər uzadılacaq. -02D-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz