![Gürcüstan və Azərbaycan hökumət başçılarının görüşü](https://turan.az/resized/750/500/resize/media/2016/main/051600156167.jpg)
Gürcüstan və Azərbaycan hökumət başçılarının görüşü
Gürcüstan baş naziri Georgi Kvirikaşvili bazar ertəsi Azərbaycanın hökumət başçısı Artur Rasizadənin başçılıq etdiyi nümayəndə heyətini qəbul edib.
Mətbuat xidmətinin məlumatına görə, tərəflər gündəlikdəki əsas məsələlərə baxıblar, əməkdaşlığın inkişaf perspektivlərini müzakirə ediblər.
Bakı-Supsa boru kəməri layihəsini bu gün artıq əsrin layihəsi adlandırmaq olar, bu layihə ilə yeni dövr başlayıb və Cənubi Qafqaz regionunda daha çox sabitlik və sülh üçün zəmanət yaranıb, deyə görüşü açan Georgi Kvirikaşvili bəyan edib.
“20 il sonra biz “Cənub Qaz Dəhlizi”nin işə salınması məqsədi güdən o mühüm səylərin davamının şahidi oluruq. Bütün bunlar Bakı-Supsa boru kəməri layihəsindən başlayıb, onun ardınca Gürcüstanın nəqliyyat potensialının mənimsənilməsi, beynəlxalq arenaya çıxış və onun etibarlı və əhəmiyyətli tranzit ölkəsi imicinin yaradılması gəldi. Bu layihə sayəsində Gürcüstan Şərqdən Qərbə və əks istiqamətdə ən yaxşı tranzit marşrutu təklif edən tarixi tranzit ölkə kimi geri qayıtdı və dünya xəritəsində öz yerini tutdu”, deyə baş nazir bildirib.
Öz növbəsində, Rasizadə bildirib ki, Bakı-Supsa, Bakı-Tbilisi-Erzurum, Bakı-Tbilisi-Ceyhan layihələri strateji və eyni zamanda təkcə Azərbaycan və Gürcüstan xalqları üçün deyil, regionun rifahı üçün əhəmiyyət daşıyan beynəlxalq layihələrdir.
Bakı-Tbilisi-Qars dəmir yolunun bu il açılması planlaşdırılır, deyə o qeyd edib.
“Hazırda Bakı-Tbilisi-Qars layihəsinin həyata keçirilməsi üzrə işlər həyata keçirilir, bu il yolun açılışı gözlənilir. Layihə həm Azərbaycan, həm də Gürcüstan üçün strateji xarakter daşıyır”, deyə o bildirib.
Hökumət administrasiyasında keçirilən görüşdə Gürcüstanın baş naziri və energetika naziri Kaxa Kaladze, iqtisadiyyat naziri Dmitri Kumsişvili, Azərbaycanın energetika naziri Natiq Əliyev, Dövlət Neft Şirkətinin prezidenti Rövnəq Abdullayev iştirak ediblər. -02D-
-
- İqtisadiyyat
- 16 May 2016 18:16
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz