![Total-ın Abşerondan qaz satışında problemi var](https://turan.az/resized/media/2016/main/051600156180-750-500-resize.webp)
Total-ın Abşerondan qaz satışında problemi var
Fransanın Total şirkəti ümidvar olduğunu bildirib ki, Azərbaycan hökuməti “Abşeron” yatağından çıxarılan qazın satıında ona kömək edəcək, deyə Energetika Nazirliyi məlumat verir.
«TOTAL-ın Azərbaycan, Qazaxıstan və Tacikistan üzrə vitse-prezidenti Tieri Darriqrand "Abşeron" yatağında görülən işlərdən danışaraq, hasil ediləcək qazın satışı sahəsində dəstəyə ehtiyac olduğunu bildirib», - deyə informasiyada bildirilir.
Abbasov qeyd edib ki, TANAP və TAP-ın ötürücülük gücü gələcəkdə Abşeron qazının da bu kəmərlərə ixracına imkan yaradacaq.
Qeyd edək ki, əvvəllər Total rəhbərliyi bəyan edib ki, “Abşeron” yatağından ilk qazı 2021-ci ilin sonu – 2022-ci ilin əvvəlində çıxarmağı planlaşdırır.
SOCAR-dakı mənbələr qeyd edib ki, Total hələ qazın satışı məsələsini həll etməyib. Total şirkəti heç bir boru kəməri komsorsiumunun (Cənubi Qafqaz, TANAP və TAP) üzvü deyil. Qazın nəqli xeyli xərc tələb edir. Xəzərin dərin laylarından hasilat özü çoxlu xərc tələb edir.
Ona görə Total ötən ildən yatağın işlənməsi üçün optimal yollar arayır. Şirkətin vitse-prezidenti deyib ki, Total Azərbaycan hökumətinin köməyinə bel bağlayır.
“Abşeron” yatağı üzrə saziş 27 fevral 2009-cu ildə imzalanıb. Layihə iştirakçıları bunlardır: SOCAR (40%), Total (40% - operator) və GDFSuez (20%). Saziş 30 illikdir.
Kəşfiyyat quyusunun qazılmasının nəticəsinə görə, yataqda 350 mlrd kubmetr qaz və 45 mln ton kondensat var. —12В--
-
- İqtisadiyyat
- 16 May 2016 18:13
-
- Siyasət
- 16 May 2016 18:18
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz