Tbilisi/27.08.15/Turan-BS PRESS: NATO-nun baş katibi Yens Stoltenberq və Gürcüstanın baş naziri İrakli Qaribaşvili cümə axşamı, avqustun 27-də Tbilisi yaxınlığında birgə təlim-məşq mərkəzini açıblar.
Məşq mərkəzində Gürcüstanın, habelə NATO-nun iştirakçısı və tərəfdaşı olan ölkələrin hərbiçiləri hazırlıq keçəcəklər. Bu mərkəzin yaradılması Gürcüstanın alyansa üzvlük səylərinə yardım edən tədbirlər paketində nəzərdə tutulur. Paket 2014-cü ilin sentyabrında Uelsdə alyansın sammitində təsdiq edilib.
Ümid edirik ki, bu yeni əməkdaşlıq aləti Gürcüstan və NATO arasında əməkdaşlığın dərinləşməsinə şərait yaradacaq”, deyə Qaribaşvili bildirib.
“Gələcəkdə əməkdaşlıq daha da dərinləşəcək. Baxmayaraq ki, mərkəzin tam gücü ilə işləməsi üçün hələ işləmək lazımdır. Gürcüstan, biz və NATO-nun tərəfdaşları mərkəzin dinləyicilərə təklif edəcəyi hazırlıqdan maksimum fayda əldə etmək üçün əlimizdən gələni edəcəyik”, deyə Stoltenberq qeyd edib.
Gürcüstan NATO-ya ümid edə bilər, amma Avroatlantik inteqrasiya asan yol deyil, deyə baş katib bildirib.
“Biz sizin islahatlarınızı diqqətlə izləyirik və əldə edilmiş irəliləyişi görürük. NATO Gürcüstana ümid edir, Gürcüstan isə NATO-ya ümid edə bilər”, deyə Stoltenberq bildirib. -02D-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz