Prosecutor of the International Criminal Court Karim Khan
Haaqa Beynəlxalq Tribunalı Rusiyanın Ukraynadakı hərbi cinayətlərilə bağlı araşdırmaya başlayıb
Kiyev/03.03.22/UNIAN: Haaqa Beynəlxalq Cinayət Məhkəməsi Rusiyanın Ukraynaya müdaxiləsi nəticəsində hərbi cinayətlər və insanlıq əleyhinə cinayətlərlə bağlı araşdırmaya başlayıb. Bu barədə Beynəlxalq Cinayət Məhkəməsinin prokuroru Kərim Xanın bəyanatında deyilir.
O, Ukraynadakı vəziyyətlə bağlı 39 ölkədən müraciət aldığını bildirib. Bu, 21 noyabr 2013-cü il tarixindən Ukraynadakı vəziyyətlə bağlı təhqiqata başlanılmasına imkan verib və bununla Ukraynanın istənilən yerində istənilən şəxs tərəfindən törədilmiş hərbi cinayətlər, insanlıq əleyhinə cinayətlər və ya soyqırım haqda keçmiş və ya cari iddiaları əhatə edib.
“Mən dərhal vəziyyətə dair aktiv araşdırmaya başlamaq qərarı barədə Beynəlxalq Cinayət Məhkəməsi rəhbərliyinə məlumat verdim. Sübutların toplanması üzrə işimiz başlayıb", - Xan deyib.
O xatırladıb ki, fevralın 28-də verdiyi bəyanatda deyildiyi kimi, Ukraynadakı vəziyyətin ilkin təhlili göstərib ki, Ukraynada Beynəlxalq Cinayət Məhkəməsinin yurisdiksiyasına düşən cinayətlər törədilə bilərdi.
Xan obyektiv və müstəqil araşdırma aparılacağını vəd edib.-0-
Siyasət
-
Noyabrın 26-da Moskvada MDB ölkələri təhlükəsizlik xidmətləri rəhbərlərinin iclasında "Qərbin MDB məkanında sabitliyi pozulmasına yönəlmiş çoxşaxəli səyləri" fonunda MDB ölkələrinin təhlükəsizliyini təmin etmək üçün xüsusi xidmət orqanlarının əməkdaşlığı məsələlərinə baxılıb.
-
Bu il Azərbaycan-NATO münasibətlərində mühüm bir mərhələni qeyd edir: "Sülh Naminə Tərəfdaşlıq" (PfP) proqramına qoşulmasının 30-cu ildönümü. Noyabrın 26-da Bakıda keçirilən yubiley konfransı əməkdaşlıq yolunu nəzərdən keçirmək, nailiyyətləri və problemləri vurğulamaq və gələcək istiqamətləri müəyyənləşdirmək üçün görkəmli şəxsləri bir araya gətirdi.
-
Noyabrın 26-da ABŞ-ın vasitəçiliyilə İsrail və “Hizbullah” Hərəkatı arasında Livan və İsrail arasındakı sərhəddə atəşkəs haqqında saziş əldə edilib. Saziş ötən gecə qüvvəyə minib.
-
ABŞ Azərbaycanın NATO-nun Sülh Naminə Tərəfdaşlıq Proqramında aktiv rolunu və NATO ilə tərəfdaşlıq üzrə davamlı öhdəliyini yüksək qiymətləndirir. Bu barədə ABŞ-ın Azərbaycandakı səfirliyinin Azərbaycanın NATO-nun Sülh Naminə Tərəfdaşlıq Proqramına qoşulmasının 30 illiyi münasibətilə yaydığı məlumatda deyilir.
Rəy yaz