Hacı Əbdüllə Nəsir Ağayev barışıb

“Vətən Naminə” Xalq Birliyi (VNXB) bazar ertəsi BMM-də mətbuat konfransı keçirib.

Birliyin üzvü, “Bakı-Dirçəliş” İctimai Birliyinin rəhbəri Abbasağa Məmmədli Azərbaycan milli-azadlıq hərəkatının ünlü isimlərindən, “Bakı və Bakı Kəndləri Birliyi”nin ilk yaradıcısı Nəsir Ağayevin bilik sıralarına qoşulduğunu bildirib.

Milli-azadlıq hərəkatında tutduqları mövqelərə görə VNXB-nin rəhbəri Hacı Əbdüllə H.Ağayev arasında narazılıq yaşanıb. Mətbuat konfransının gedişində tərəflər bir-birilə barışıblar. Hacı Əbdül keçmişə yox, gələcəyə baxmağa əsas sayaraq bundan sonra demokratiya uğrunda mübarizədə birgə olacaqları bəyanatı səsləndirib. Birliyin sıralarını gücləndirmək təklifi səsləndirib.

N.Ağayev ölkənin pul və zorun haqdan önə keçməsi kimi bir dönəm yaşamasına diqqət çəkib. Hazırda isə haqqıın önə keçmək zamanı gəldiyi vurğulanıb. Ölkədə korrupsiya, inhisarçılığın tüğyan etməsinə diqqət çəkib. İnhisarçılığın daxili istehsala və xalqın rifah halının yaxşılaşmasına zəncirvari müsibətlər gətirdiyi nəzərə çatdırılıb. Bakı kəndlərinin torpaq fondlarının talan edildiyi,  Xəzər dənizindən istifadə üçün problemlər yaradıldığı, Xəzər dənizi sahillərinin landşaftının dağıdılmasına toxunulub. Ölkəni bu məngənədən ancaq köklü islahatların xilas edəcəyi deyilib. Milli Şuranın yaradılması çoxdan gözlənilən addım kimi dəyərləndirilsə də ad çəkilmədən qurum sıralarında bəzi arzuedilməz şəxslərin olmasına işarə edilib.

Demokratik islahatlar olmadan azad seçkilərin keçirilə bilməsi inandırıcı sayılmayıb. Prezidentliyə namizədlərin irəli sürülməsi mərhələsi yekunlaşmadığı üçün hansısa namizədə qəti münasibət ifadə etmək məntiqəuyğun hesab edilməyib. Amma bu namizədin hər kimsə, ölkəni iqtisadi, siyasi, mənəvi və demoqrafik fəlakətlərdən xilas etmək ssenarisinə malik olması zərurət adlandırılıb. 

XNVB təqribən bir ay önə elan edilib. İndiyə kimi “Bakı-Dirçəliş” İctimai Birliyi (sədr Abbasağa Məmmədli), “ATA-bloku” (sədr Çingiz Dəmiroğlu) və Nəsir Ağayev birliklə müttəfiqliyə razılıq veriblər. Birliyin məqsədi ölkədə azad. demokratik seçkilərə nail olmaqdır.