Azərbaycanda hakim rejim məqsədyönlü və metodik şəkildə çoxpartiyalı sistemi dağıdır, məqsəd bir siyasi qüvvənin tam hökmranlığını qurmaqdır. Müxalifət partiyaları buna yalnız birlikdə mane ola bilər. Bu fikir çərşənbə axşamı “AMİP -20: birpartiyalı sistemdən çoxpartiyalı sistemə keçid” mövzusunda konfransında səslənib.
Forum AMİP-in yaradılmasının 20 illiyinə həsr olunub. Partiya 1991-ci ilin oktyabrında milli hərəkatın liderlərindən biri Etibar Məmmədov tərəfindən təsis edilib. 1992-ci il iyulun 3-4-də partiyanın təsis qurultayı keçirilib, iyulun 17-də isə partiya dövlət qeydiyyatından keçib.
“20 il əvvəl baş vermiş bu hadisə Azərbaycanda çoxpartiyalılığın təməlini qoydu”, - partiyanın hazırkı sədri Yusif Bağırzadə bildirib. O qeyd edib ki, AMİP-in kursu əvvəlkitək qalır- Azərbaycanın müstəqilliyinin möhkəmləndirilməsi uğrunda mübarizə, ölkədə demokratiyanın çiçəklənməsi.
AMİP Siyasi Şurasının üzvü Rəşad Bayramov partiyanın tarixindən, ölkənin müstəqilliyinin əldə olunmasında onun rolundan danışıb. Qeyd edib ki, hakimiyyətin təzyiqləri nəticəsində AMİP və digər müxalifət partiyaları xeyli zəifləyiblər. Çoxpartiyalılığın saxlanmasının və inkişafının yeganə yolu müxalifət qüvvələrinin əməkdaşlığındadır.
Ədalət Partiyasının sədri, parlamentin deputatı İlyas İsmayılov da bu fikri bölüşür. Yeri gəlmişkən, ədliyyə naziri olduğu zaman AMİP-in qeydiyyatı haqda sənədi o imzalamışdı.
İ.İsmayılov müxalifətin zəifliyinin səbəbləri kimi hakimiyyətin təzyiqlərini, maliyyə resurslarının məhdudlaşdırılmasını, müxalifət qüvvələrini dəstəkləyənlərin təqib olunmasını göstərib.
O, parlamentdə proporsional seçki sisteminin bərpası uğrunda mübarizəyə çağırıb. Məhz bu sistemin ləğvindən sonra partiya xeyli zəifləyib.
Azərbaycan Ziyalılar Forumunun üzvü Firudin Cəlilov müxalifəti gənclərə arxalanmağa çağırıb. İndiki nəsil dünya prosesləri haqda daha çox məlumatlıdır və kreativdir. “Mən onun dəyişikliklər uğrunda mübarizə qabiliyyətinə inanıram”, - F.Cəlilov vurğulayıb.
Tədbirdə Beynəlxalq Demokratik İttifaqın və AMİP-in buradakı müttəfiqlərinin - Britaniya Mühafizəkarlar Partiyasının, İsveç Moderatorlar Partiyasının və digər təşkilatların təbrikləri oxunub. 06C--
Siyasət
-
Ermənistanın keçmiş prezidenti Levon Ter-Petrosyanın 1993-cü ildə etdiyi çıxışın video görüntüləri yayımlandıqdan sonra Azərbaycan icmasının sərt tənqidinə səbəb olub. Ermənistan dövlətini etnik təmizləmə siyasətinə dəstək verməkdə ittiham edən icma, bu çıxışın Ermənistanın mövcud ərazisi olan Qərbi Azərbaycan İcmasının bəyanatına əsasən, azərbaycanlılara qarşı dərin köklü düşmənçiliyi və siyasətləri vurğuladığını qeyd edib.
-
“Müdafiə Xətti” hüquq müdafiə təşkilatının həbsdə olan icraçı direktoru Rüfət Səfərovun anası Tahirə Tahirqızının ölkədən çıxışına qadağa qoyulduğu bildirilir.
-
Yanvarın 15-də Tbilisi Apellyasiya Məhkəməsi Gürcüstanda ekstradisiya məqsədi ilə barəsində həbs qətimkan tədbiri seçilmiş Azərbaycanın Azel.TV saytının rəhbəri Əfqan Sadıqovun Azərbaycana ekstradisiya olunması ilə bağlı Tbilisi Şəhər Məhkəməsinin qərarından şikayətə baxacaq.
-
25 dekabrda Qazaxıstanda qəzaya uğramış Azərbaycanın Embraer təyyarəsinin qara qutuları hazırda Brasiliyada beynəlxalq bir təşəbbüs çərçivəsində təhlil olunur ki, bu da 38 nəfərin həyatına son qoyan qəzanın səbəbini müəyyən etmək məqsədi daşıyır, bu barədə O Globo 2 yanvarda xəbər verib. Braziliya Hərbi Hava Qüvvələri davam edən araşdırmanın, Braziliya tədqiqatçılarından üçü də daxil olmaqla həmçinin Azərbaycan və Rusiya nümayəndələrinin də iştirak etdiyi bu araşdırmanın hələ də müəyyən bir bitmə tarixi olmadığını elan etmişdir, lakin hakimiyyətlər tez nəticələrə ümid edirlər.
Rəy yaz