![Hakim vəkil üçün cinayət cəzası istəyir](https://turan.az/resized/media/2013/main/090500048581-750-500-resize.webp)
Hakim vəkil üçün cinayət cəzası istəyir
Bu gün Ağır Cinayətlərə dair İşlər üzrə Məhkəmədə Azadxeber.org saytının redaktoru Nicat Əliyevin və digər 7 dindarın işi üzrə məhkəmə iclasında vəkil Yalçın İmanov və hakim Zeynal Əliyev arasında münaqişə yaranıb.
Nəticədə hakim bildirib ki, vəkilə qarşı cinayət işi açılması haqqında təqdimat verir.
Vəkilin özünün Turan-a verdiyi məlumata görə, münaqişəyə səbəb vəkilin proses zamanı ekspertlərə verdiyi suallar olub. Ekspertlərdən konkret cavablar almağa çalışan vəkilin israrı hakimi qıcıqlandırıb, o, dəfələrlə İmanovu susdurub və ona 4 xəbərdarlıq edib.
“5 xəbərdarlıq da edə bilərsiniz” – vəkilin bu ifadəsi hakimi özündən çıxarıb, o, bunu təhqir kimi qiymətləndirib.
Hakim digər vəkil Elçin Əliyevə də analoji xəbərdarlıq edib.
Xatırladaq ki, mühakimə olunan dindarlar “Eurovision 2012” müsabiqəsi ərəfəsində Bakı əhalisi arasında paytaxtda gey-paradların keçirilməsi, məmur özbaşınalığı, dindarların təqibi haqqında bəhs edilən anti-hökumət materialları yer alan CD paylamaqda ittiham olunurlar.
İstintaq iddia edir ki, disklərin hazırlanmasında və yayılmasında Nicat Əliyev və bir neçə digər dindarın əli var. İlkin olaraq onlara qarşı 234.1-ci (narkotik saxlama) maddə ilə cinayət işi açılıb.
Bir müddət sonra Əliyevə qarşı 167-2.2.1 (bir qrup şəxs tərəfindən qanunsuz dini ədəbiyyat hazırlama), 281.2 (bir qrup şəxs tərəfindən hökumət əleyhinə çağırışlar) və 283.2.3 (mütəşəkkil qrup tərəfindən milli və dini ayrı-seçkilik salma) maddələri ilə iş açılıb.
Eyni zamanda, bir sıra beynəlxalq və yerli hüquq müdafiə təşkilatı əmindir ki, Nicat Əliyev və digər müttəhimlər “Eurovision” müsabiqəsini və hakimiyyətin dindarlara qarşı siyasətini tənqid etdiklərinə görə təqib olunur. -16B-
Siyasət
-
İstanbul Universitetinin doktorantı Fazil Qasımov artıq 82 gündür aclığı davam etdirir. O “qanunsuz həbsinə” etiraz edir.
-
İstintaq Toplum TV-nin həbsdə olan jurnalisti Müşfiq Cabbarın notarial hərəkətləri həyata keçirmək, xüsusən, yaxınlarına etibarnamə vermək hüququnu məhdudlaşdırıb, bu barədə Turan-a onun vəkili Nazim Musayev bildirib.
-
Demokratik Qüvvələrin Milli Şurasının sədri Cəmil Həsənli "Amerikanın Səsi"nə müsahibəsində ATƏT-in Müşahidə missiyasının növbədənkənar parlament seçkilərinin yekunlarına dair tənqidi qiymətləndirmələri ilə bağlı şərh verib.
-
Rəsmi Bakı Fransanın dənizkənarı ərazilərinin əhalisinin müstəqillik uğrunda mübarizəsini dətsəkləməklə, bu ölkə ilə münasibətləri gərginləşdirməyə davam edir. Polineziyanın, Kaledoniyanın müstəqilliyinə dəstək tədbirlərinin ardınca, Bakıda Mayotta adasının müstəqilliyi məsələləri həll olunur.
Parlament seçkilərinə kim necə rəy verdi? – Nəsimi Məmmədli Çətin sualda
Xəbər lenti
-
- Cəmiyyət,
- 13:53
- 379
Rəy yaz