Hakimiyyət Avropa məhkəməsinin təyin etdiyi kompensasiyaları vermir
Bakı/28.02.18/Turan: Azərbaycan hakimiyyəti Avropa İnsan Hüquqları Məhkəməsinin qərarlarını tam yerinə yetirdiyini söyləməyi xoşlayır. Ölkədə hər dəfə insan haqlarının pozulmasından söhbət gedərkən belə deyirlər.
Bəzən qərarların icrası dedikdə dövlətin hüquqları pozulan və öz ölkəsində ədalət tapmayaraq Avropa məhkəməsinə üz tutan iddiaçılara kompensasiya verməsi nəzərdə tutulur.
Bu cür iddiaçıların və müvafiq olaraq şikayətlərin sayı hər il artır.
Bu ilin yanvarına olan məlumata görə, Azərbaycan Avropa məhkəməsinə ən çox şikayət edilən yeddi ölkə sırasına daxildir. Strasburq məhkəməsinə edilən bütün şikayətlərin 4%-i bizim ölkənin payına düşür.
Ötən il Azərbaycandan olan müraciətlərin sayı 679 olub. Bu 2016-cı ildə oduğundan iki dəfə çoxdur.
Ötən ilin oktyabrında REAI Hərəkatının lideri İlqar Məmmədovun barəsində qərarı icra etmədiyinə görə ölkənin Avropa Şurasından xaric edilmək məsələsi qoyuldu.
Milli Məclisin spikeri Oqtay Əsədov isə bildirir ki, bəzi ölkələrdən fərqli olaraq, Azərbaycan bütün qərarları icra edir, cərimələri ödəyir.
Lakin əvvəllər hakimiyyət heç olmasa Avropa məhkəməsinin qərarı ilə zərərçəkənlərə kompensasiya verirdisə, son vaxtlar bunu etmir.
Vətəndaş cəmiyyəti fəallarının əksəriyyəti onlara ayrılan kompensasiyanı ala bilmir.
"Bizim işlər üzrə qərar 2016-cı ilin payızında qəbul edilib, dövlət 6 ay ərzində bizə kompensasiya ödəməliydi. Ödəməyə çox gec başlanıldı - ötən ilin iyununda. Maraqlı budur ki, bizə məbləği bütöv vermədilər, avqust ayına kimi hissə-hissə ödədilər. Sonra ödəniş dayandı və indiyədək bərpa olunmayıb", - adının açıqlanmasını istəməyən vətəndaşlardan biri Turan-a bildirib.
Avropa məhkəməsində onlarla işi qazanan vəkil Əsabəli Mustafayev də kompensasiyaların verilməsinin dayandırılmasının səbəblərini bilmir.
"Bizə səbəbləri açıqlamırlar. Biz ehtimal edirdik ki, bu, cari il üçün büdcənin qəbulu ilə əlaqədardır. Ancaq büdcə çoxdan qəbul edilib və təsdiqlənib, ödəmələr isə yoxdur. Biz Avropa Şurası Nazirlər Komitəsinə yazırıq, onlar hakimiyyətə müraciət edir, hakimiyyət isə susur. Düzdür, bu yaxınlarda 17 iddiaçıya daşınmaz əmlak işləri üzrə kompensasiyalar ödənilib. Ancaq inzibati həbslər və seçkilər zamanı pozuntularla bağlı işlər üzrə ödəmələr yoxdur", - Ə.Mustafayev bildirib. -0-
Siyasət
-
Gürcüstan prezidenti Salome Zurabişvili parlamentin qəbul etdiyi xarici agentlər haqqında qanun layihəsinə veto qoyub. O, bu barədə mayın 18-də iqamətgahında keçirdiyi brifinqdə məlumat verib.
-
Mayın 15-də istintaq təcridxanasında quru aclıq aksiyası elan edən Azərbaycan Xalq Cəbhəsi Partiyasının (AXCP) fəalı Elxan Əliyevin olan ailə üzvləri onuntaleyindən narahatdər. Mayın 16-dan bəri o ailsi əlaqə saxlamayıb və onun haqqında heç bir məlumat yoxdur.
-
İranın Energetika Nazirliyinin məlumatına görə, bazar günü İran və Azərbaycan prezidentlərinin iştirakı ilə "Qız Qalası" və "Xudafərin" bəndlərinin açılış mərasimi olacaq.
-
Azərbaycan prezidenti İlham Əliyev mayın 18-də Cəbrayıl rayonuna səfər edib.
Rəy yaz