Hakimiyyət QHT-ləri susdurmaq üçün yeni addımlar atır

Ötən gün parlamentin Hüquq siyasəti və dövlət quruculuğu komitəsi QHT, dini və digər qurumlar tərəfindən qrantların və ianələrin istifadəsinə nəzarəti sərtləşdirən düzəlişlər layihəsini təqdir edib.  Belə ki, İnzibati Xətalar Məcəlləsinin 233-cü maddəsinə düzəlişə görə, qrantların alınmasına dair müqavilələrin və qərarların surətinin qeydiyyat üçün icra hakimiyyəti orqanlarına müəyyən olunmuş vaxtda təqdim edilməməsinə görə cərimə tətbiq olunur: vəzifəli şəxslər üçün  

1500 manatdan 2500 manatadək, hüquqi şəxslər üçün 5000 manatdan 7000 manatadək.

Digər düzəlişə görə, qrant müqaviləsi olmadan fəaliyyət göstərən dini qurumlar və QHT xarici ölkələrin QHT nümayəndəliklərindən yardım alınmasına görə cərimə ediləcək. Həmin qurumların vəzifəli şəxsləri  

2500-dən 5000 manatadək, hüquqi şəxslər vəsaiti və əmlakı müsadirə olunmaqla 8000-15000 manatadək cərimə olunacaq. 

Bundan əlavə, “Dini etiqad azadlığı haqqında” qanuna ianələrin istifadəsinə nəzarəti sərtləşdirən düzəliş təklif edilib. 

Təklif olunan dəyişikliklərə əsasən dini qurum alınmış və ya vəd edilmiş ianənin əvəzində donora və ya başqa şəxsə hər hansı imtiyaz verə bilməz.

Dini quruma ianə və ya qrant təqdim edən (və ya etməyə hazırlaşan) şəxs bunun əvəzində birbaşa və dolayısı ilə maddi və digər dəyərli şeyləri qəbul edə bilməz, hər hansı təklifə razılıq verə bilməz. Eyni zamanda 200 manatadək ianə sənədləşdirilməyəcək və buna görə məsuliyyət nəzərdə tutulmayıb. Qanun layihəsinin müəllifi, deputat Çingiz Qənizadə bildirib. Onun sözlərinə görə, düzəlişlər QHT, dini qurumlar və digər ictimai təşkilatların şəffaflığının artırılmasına yönəlib.

Yaxın vaxtlarda düzəlişlərin parlamentdə təsdiqlənəcəyi gözlənilir.

Qeyd edək ki, əməldə bu, gələcəkdə bir çox hüquq-müdafiə və demokratik QHT-lərin fəaliyyətinin sərtləşdirilməsi demək olacaq. Hakimiyyətin imtinası ilə əlaqədar QHT-lərin çoxunun dövlət qeydiyyatı yoxdur. Bununla belə, onlar xarici donorlardan qrant alırlar. Bundan sonra Azərbaycanın dövlət orqanları QHT-nin dövlət qeydiyyatının olmamasını əsas gətirərək qrant sazişlərinin qeydiyyatından imtina edəcək.

Son 5 ildə hakimiyyət hər il QHT-lərin fəaliyyət şərtlərini qanunvericilik səviyyəsində sərtləşdirir, onları maliyyələşmədən məhrum etməyə, məhv etməyə cəhd göstərir. Buna səbəb odur ki, vətəndaşların hüquq və azadlıqlarının, demokratiya normalarının pozulması, korrupsiya faktları  məhz həmin QHT-lər tərəfindən araşdırılır.  Hakimiyyət onları məhv etməklə öz qanunsuz hərəkətlərinin ifşa olunmasına son qoymağa ümid edir.-06D-