Helsinki Komissiyası rəhbərinin Xocalı soyqırımının 27-ci ildönümü haqqında bəyanatı

Vaşinqton/27.02.19/Turan: Xocalı soyqırımının 27-ci ildönümündə ABŞ-ın Helsinki Komissiyasının sədri, konqressmen Alsi Hastinqs bəyanat veərək, Azərbaycan xalqına başsağlığı verib.

"Hesab edirəm ki, həyatından məhrum olanları tanımaq və xatırlamaq vacibdir", deyə bəyanatda bildirilir.

"Bu gün 1992-ci il fevralın 26-da baş vermiş Xocalı soyqırımının 27-ci ildönümünü tanımaq üçün ayağa qalxıram və bu mənfur zorakılıq aktı zamanı vəhşicəsinə öldürülmüş 613 kişi, qadın və uşağı yad edirəm.

Azərbaycan Respublikasının Xocalı şəhərində misli görünməmiş, benəlxalq hüquq normal və prinsiplərini, insan hüquq və azadlıqlarını təhqir edən qəddarlıq baş verib.

Erməni qüvvələri rus ordusunun 366-cı motoatıcı alayının dəstəyi ilə mühasirəyə alınmış Xocalı şəhərinə hücum ediblər və o qədər amansız aktlarda iştirak ediblər ki, onların nəticələri cəmiyyətdə və bütünlükdə ölkədə hələ də hiss olunur", deyə bəyanatda bildirilir.

"1994-cü ildə atəşkəs sazişi bağlansa da, Azərbaycan ərazilərinin 20%-dən çoxu, o cümlədən Dağlıq Qarabağ işğal altındadır və 1 milyondan çox azərbaycanlı qaçqın və məcburi köçkün olaraq qalmaqdadır", deyə Hastinqs qeyd edib.

"Maraqlıdır ki, onlara çox mühüm olan və bahalı dəstəyi göstərən Azərbaycan eyni zamanda regionunda iqtisadi inkişafa yönəlmiş böyük və təsirli addımlar atır", deyə o əlavə edib. -0-