Herkel Süleymanovu təkzib edir

AŞPA-nın Monitorinq Komitəsinin sədri, Estoniyalı deputat Andres Herkel assambleyada Azərbaycan nümayəndə heyətinin üzvü Elxan Süleymanovun martın 20-de Parisde onun Ermənistanda prezident seçkilərinin qeyri-demokratikliyinin tənqidi yer alan çıxışını yekunlaşdırmasına imkan verməməsi haqqında bəyanatını təkzib edib.

Süleymanov bildirib ki, etiraz əlaməti olaraq o, zalı tərk edib.

Öz növbəsində, Herkel Turan agentliyinə bildirib ki, o, Süleymanovun çıxışını nitqinin məzmununa görə deyil, reqlamentə riayət etmək zərurəti ilə əlaqədar kəsib.

 "Görüşün və tərcüməçilərin işinin sonuna 12 dəqiqə qalırdı. Siyahıda birinci olan Süleymanov da daxil olmaqla, dörd natiq qalmışdı. O, 4 dəqiqə çıxış etdi və mən ondan 2 dəqiqədə nitqini yekunlaşdırmağı xahiş etdim, çünki Latviya, Ermənistan və Avstriyadan daha 3 natiq qalırdı. O, çıxışını yekunlaşdıra bilmədi və mən sədr olaraq onu dayandırmaq məcburiyyətində idi. O, 5 saatlıq görüş ərzində qısa çıxış etməyi xahiş etdiyim ilk həmkarımız deyildi", deyə Herkel bildirib. -06D-