Ilhamiz Quliyev, Abzas Media
Hüquq müdafiəçisnin saxlanıldığı bildirilir
Bakı/04.12.23/Turan: Dekabrın 4-də Bakıda hüquq müdafiəçisi, keçmiş polis əməkdaşı İlhamiz Quliyevin polis tərəfindən saxlanıldığı bildirilir.
Fəalın yaxınları Turana bildirib ki, o dekabrın 4-də evinin yaxınlığında saxlanılıb: "Saxlanılanda İlhamiz şiddətə məruz qalıb. Onu sürüyə-sürüyə maşına aparıblar, başından vurublar".
Onların sözlərinə görə, İ.Quliyev artıq bir neçə gündür izlənilirdi, onun ölkədən çıxışına qadağa qoyulmuşdu: "İlhamiz oktyabr ayında polisə müqavimət və xırda xuliqanlıq ittihamı ilə 30 sutka inzibati həbs olunmuşdu. Bundan əvvəl isə o, "Abzas Media"ya keçmiş polis işçisi kimi narkotiklə bağlı müsahibə vermişdi. Yəqin indiki məsələ də həmin müsahibə ilə bağlıdır".
Vəkil Zibeydə Sadıqova da Turana İlhamiz Quliyevin şübhəli şəxs qismində saxlanıldığı bildirib: "O, Cinayət Məcəlləsinin 234.1-ci maddəsi ilə şübhəli şəxs qismində saxlanılıb. Hazırda Yasamal Rayon Polis İdarəsində saxlanılır. İ.Quliyev özünü təqsirli bilmir".
Onun 234.1-ci maddəsi ilə şübhəli şəxs qismində saxlanılıb. Quliyev özünü təqsirli bilmir Guya narkotikin miqdarı müəyyən edilmədiyindən hələ məhkəmə qarşısına çıxarılmayıb. Onun dekabrın 5-də məhkəmə qarşısına çıxarılacağı gözlənilir”, vəkil qeyd edib.
Hüquq müdafiəçisi Rüfət Səfərov facebook səhifəsində yazıb ki, İlhamiz Quliyev bu il oktyabrın 5-də İnzibati Xətalar Məcəlləsinin 510-cu (Xırda xuliqanlıq) və 535.1-ci (Polis işçisinin qanuni tələbinə qəsdən tabe olmama) maddələri üzrə 30 sutka inzibati qaydada həbs edilib.
“Azadlığa çıxandan sonra təqib edilən İlhamiz Quliyev dekabrın 4-də yenidən saxlanılıb, hazırda Yasamal Rayon Polis İdarəsindədir. Saxta ittihamlar üzrə cinayət işinin başlanacağı gözlənilir. İlhamiz Quliyev şərlənmədən müdafiə üçün Narkoloji Dispanserdə analizlər verib, narkotik maddə istifadəçisi olmadığı müəyyən edilib. (Hüquq müdafiəçisi tibbi arayışı əlavə edib). Onu da qeyd edim ki, İlhamiz Quliyev həbsindən əvvəl “Abzas Media”ya müsahibə verib, təhlükəsizlik məqsədilə səsi xüsusi proqram vasitəsilə dəyişdirilib, “sənədləşdirilməyən narkotik vasitələr siyasi həbslərdə istifadə olunur”- deyib, lakin Daxili İşlər Nazirliyi mövzu üzrə ekspert rəyinin İlhamiz Quliyevə aid olduğunu müəyyənləşdirib, elə repressiv tədbirlərə də bundan sonra start verilib”, o qeyd edib.
Quliyev əvvəllər USAİD-lə əməkdaşlıq çərçivəsində hüquqi xidmət göstərib. 2 il ərzində Ağdam rayonunda hüquq müdafiəçisi olaraq çalışıb.
Öz növbəsində Daxili İşlər Nazirliyi hüquq müdafiəçisinin saxlanılması ilə bağlı hələ məlumat yaymayıb.-03-
-
- Siyasət
- 4 Dekabr 2023 20:18
-
- İqtisadiyyat
- 5 Dekabr 2023 07:39
Siyasət
-
Gürcüstan prezidenti Salome Zurabişvili parlamentin qəbul etdiyi xarici agentlər haqqında qanun layihəsinə veto qoyub. O, bu barədə mayın 18-də iqamətgahında keçirdiyi brifinqdə məlumat verib.
-
Mayın 15-də istintaq təcridxanasında quru aclıq aksiyası elan edən Azərbaycan Xalq Cəbhəsi Partiyasının (AXCP) fəalı Elxan Əliyevin olan ailə üzvləri onuntaleyindən narahatdər. Mayın 16-dan bəri o ailsi əlaqə saxlamayıb və onun haqqında heç bir məlumat yoxdur.
-
İranın Energetika Nazirliyinin məlumatına görə, bazar günü İran və Azərbaycan prezidentlərinin iştirakı ilə "Qız Qalası" və "Xudafərin" bəndlərinin açılış mərasimi olacaq.
-
Azərbaycan prezidenti İlham Əliyev mayın 18-də Cəbrayıl rayonuna səfər edib.
Rəy yaz