İ.Əliyev Çinin Avropa məsələləri üzrə xüsusi nümayəndəsini qəbul edib

Bakı/07.03.23/Turan: Prezident İlham Əliyev çərşənbə axşamı Çin hökumətinin Avropa məsələləri üzrə xüsusi nümayəndəsi Vu Honqbonu qəbul edib.

Əliyev vurğulayıb ki, Çin ilə əməkdaşlıq Azərbaycanın xarici siyasətinin əsas prioritetlərindən biridir. O, ikitərəfli ölkələrin daim güclənməsindən məmnunluğunu bildirib, onların “Bir kəmər, bir yol” layihəsi çərçivəsində genişləndiyini qeyd edib.

Nümunə kimi o, Çindən Azərbaycan ərazisindən keçməklə Qərbə yükdaşımaların həcminin artmasını göstərib.

Əliyev Azərbaycanın bərpa olunan enerji potensialı barədə məlumat verib və qeyd edib ki, bu sahədə böyük texnoloji imkanlara malik olan Çin üçün bu maraqlı ola bilər.

Söhbət zamanı Çin şirkətləri Azərbaycanın işğaldan azad edilmiş ərazilərində aparılan yenidənqurma və tikinti işlərində iştirak etməyə dəvət olunub.

Öz növbəsində çinli qonaq qeyd edib ki, Çin həmişə Azərbaycanın ərazi bütövlüyünü və suverenliyini dəstəkləyib.

Azərbaycan prezidentinin saytında yer alan məlumatda bildirilir ki, görüşdə daha sonra iqtisadi, humanitar və turizm sahələrində əməkdaşlığın daha da genişləndirilməsi ilə bağlı fikir mübadiləsi aparılıb. -0-