Bakı/17.09.19/Turan: İki keçmiş siyasi məhbus oktyabrın 12-də Müsavat Partiyasının qurultayında partiyanın sədri vəzifəsinə namizədliklərini irəli sürmək niyyətindədir. Bu, partiyanın keçmiş sədr müavini Tofiq Yaqublu və Lənkərən rayon təşkilatının keçmiş rəhbəri Yadigar Sadıqlıdır. Hər ikisi rəsmi olaraq namizədliklərini irəli sürmək planlarını bəyan ediblər.
Sadıqlı hesab edir ki, partiyanın əvvəlki qurultayından ötən beş il ərzində təşkilatın idarəetməsi qənaətbəxş olmayıb və bu, onun reytinqinin azalmasına səbəb olub.
"Hesab edirəm ki, mən sədr seçilsəm, bu, təkcə "Müsavat"da deyil, bütünlükdə demokratik düşərgədə mühitin kökündən dəyişməsinə gətirib çıxaracaq. BU, həmçinin partiyaya yeni qüvvələrin axınına şərait yaradacaq", deyə Sadıqlı bildirib.
Digər namizəd Yaqublu namizədliyini irəli sürməsini bir tərəfdən öz siyasi qüvvəsini yoxlaması, digər tərəfdən müsavatçılıq ideyalarının təşviqi ilə izah edir.
"Bizim maraqlarımız partiyanın maraqlarını təmin etməkdən ibarətdir. Hər bir insan onu fərqləndirən təfəkkürə, strateji və taktiki baxışlara malikdir. İdeal idarəçilər olmur. Müəyyən səhvlər, fərqli yanaşmalar olur. Hesab edirəm ki, sədr seçilsəm, partiyanı daha yüksək mövqelərə çıxara bilərəm. Bunun üçün səlahiyyət əldə etmək məqsədilə partiyanın sədri vəzifəsi uğrunda siyasi yarışa qoşuluram", deyə Yaqublu bildirib.
Müsavat Partiyasının başqanı Arif Hacılı öz növbəsində bildirib ki, qurultayın keçirilməsi üzrə təşkilat komitəsi hələlik namizədlərin irəli sürülməsi müddətini müəyyən etməyib.
O, seçkilərdə iştirak edib-etməmək qərarını təşkilat komitəsinin qərarından sonra elan etmək niyyətindədir.
Bununla belə, Hacılı bildirib ki, Partiyanın nizamnaməsinə əsasən, onun bir müddət üçün də sədr səlahiyyətləri üçün namizədliyini irəli sürmək hüququ var. -06D-
Siyasət
-
Azərbaycan Xalq Cəbhəsi Partiyasının (AXCP) Xəzər rayonu şöbəsinin fəalı Əlisahib Kərimov yanvarın 10-da Nizami metrostansiyasında saxlanılaraq Yasamal Rayon Məhkəməsinin qərarı ilə İnzibati Xətalar Məcəlləsinin polisin qanuni tələbinə tabe olmamaq maddəsi ilə günahlandırlaraq 30 sutka inzibati həbsə məhkum edilib.
-
Müstəqil jurnalist Xanım Mustafayeva yanvarın 11-də Azərbaycandan xaricə gedə bilməyib. Bakı hava limanında ona bildiriblər ki, qadağa Azərbaycanın Daxili İşlər Nazirliyi tərəfindən qoyulub. Lakin jurnalistin hüquqlarının məhdudlaşdırılmasının səbəbləri ona izah edilməyib.
-
Məşhur iqtisadçı və siyasi xadim Qubad İbadoğlunun ev dustaqlığına buraxıldıqdan sonra hüquqlarını daha da məhdudlaşdırırılıb. Onun şəxsiyyət vəsiqəsi fəaliyyətsiz edilib.
-
Yanvarın 10-da Bakı Ağır Cinayətlər Məhkəməsində Demokratik Qüvvələrin Milli Şurasının və Müsavat Partiyasının üzvü Tofiq Yaqublunun işi üzrə növbəti iclas gərgin atmosferdə keçib.
Rəy yaz