İlahiyyatçı Taleh Bağırzadə karserə salınıb
Kürdəxanı istintaq təcridxanasında saxlanılan ilahiyyatçı Taleh Bağırzadə fiziki təzyiqə məruz qalıb və karserə salınıb. Bu barədə Bağırzadənin hüquqlarını müdafiə komitəsi üzvlərinin bu gün keçirdikləri mətbuat konfransında bildirilib.
Vəkil Cavad Cavadlı bildirib ki, mayın 28-də Bağırzadə KİV-ə Qərb dövlətlərinə Azərbaycandakı vəziyyətin qiymətləndirilməsində obyektiv olmaq və dindarlardan qorxmamaq çağırışı ilə müraciət göndərdiyi üçün karserə salınıb.
Bundan əvvəl Bağırzadənin əllərini buraraq, istintaq təcridxanası rəisinin otağına aparıblar. O, ilahiyyatçının başından vurub və onu şəxsən güllələməklə hədələyib.
Cavadlı Bağırzadəyə qarşı yeni dövlət əleyhinə çağırış ittihamları irəli sürüləcəyi ilə bağlı narahatlığını bildirib. Belə ki, istintaq Bağırzadənin İnternetdə yerləşdirilmiş xütbələrinin materiallarını ekspertizaya göndərib.
Lakin vəkilin sözlərinə görə, ilahiyyatçının ifadələrində qanunazidd heç nə yoxdur, yalnız tənqid var.
Komitənin digər üzvü Natiq Kərimov Bağırzadənin azad edilməsi üçün səylərin sistemləşdirilməsi zərurətini qeyd edib. O, ombudsmana, baş prokurora və beynəlxalq təşkilatlara müraciətlər hazırlandığını bildirib.
Kərimov həmçinin İnternetdə Bağırzadənin müdafiəsi üçün imza toplamaq zərurətini qeyd edib.
Komitənin katibi, vəkil Namizəd Səfərov bildirib ki, Bakı meriyası Bibiheybətdə sürücülük məktəbinin həyətində Bağırzadəni müdafiə mitinqinin keçirilməsi haqqında müraciətə cavab verməyib. Qarşıdurma yaratmamaq üçün etiraz aksiyası təxirə salınıb.
O, Bağırzadəni “vicdan məhbusu” adlandırıb. Onun sözlərinə görə, hakimiyyət hesab edir ki, dindar yalnız ibadət etməlidir, o, ədalətsizliyə qarşı çıxırsa, deməli inqilabçıdır.
Vəkil Cavadlı bildirib ki, istintaq təcridxanasında Bağırzadəyə fiziki təzyiqlə əlaqədar məhkəməyə şikayət verilib. -16C06-
-
- Siyasət
- 31 May 2013 17:11
-
- İqtisadiyyat
- 31 May 2013 17:35
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz