Avropa Parlamentinin sədri Antonio Tayaninin prezident İlham Əliyevlə Bakı vaxtı ilə saat 14-ə planlaşdırılmış görüşü Azərbaycan tərəfin təşəbbüsü ilə ləğv olunub.
Avropa İttifaqının saytında yer alan məlumata görə, Əliyev bu gün Avropa Parlamentində Azərbaycanda insan hüquqlarının pozulması haqqında debatlar keçiriləcəyinə görə Tayani ilə görüşdən imtina edib.
Bu dərəcədə nümayişkaranə davranış Bakının bu məsələlərlə bağlı öz ünvanına tənqid eşitmək istəmədiyini göstərir.
Xatırladaq ki, debatlarda iki keçmiş siyasi məhbus - Emin Milli və Xədicə İsmayılova, habelə Avropa Parlamentinin beş üzvü iştirak edəcək. Onlar Azərbaycanın öz vətəndaşlarının əsas hüquq və azadlıqlarını pozması məsələsini qaldıracaqlar.
İlham Əliyev dəfələrlə Avropa Parlamentini anti-Azərbaycan mövqeyində və Azərbaycanın düşmənləri ilə əməkdaşlıqda ittiham edib. Lakin Avropa Parlamenti Qarabağ münaqişəsi ilə bağlı onun mövqeyini dəstəklədikdə Bakı məmnuniyyətlə onun fikrinə istinad edir. -02D-
Siyasət
-
Fevralın 5-də axşam jurnalist Şahnaz Bəylərqızının saxlanıldığı məlum olub. Bir neçə il əvvəl o, “Toplum” TV-nin aparıcısı olub.
-
Dövlət başçısının 5 fevral tarixli sərəncamı ilə Muxtar Babayev prezidentin iqlim məsələləri üzrə nümayəndəsi təyin edilib.
-
Fevralın 5-də prezident İlham Əliyev Ukraynaya humanitar yardımın göstərilməsi haqqında sərəncam imzalayıb. Sənədə əsasən, Azərbaycanda istehsal olunan elektrik avadanlığının satın alınması və göndərilməsi üçün Energetika Nazirliyinə 1 milyon ABŞ dolları ayrılıb.
-
Fevralın 5-də Səbail Rayon Məhkəməsində “Kanal-13” İnternet- nəşrin rəhbəri əziz Orucovun işi üzrə proses davam edib.
Rəy yaz