president.az
Azərbaycan Prezidenti İlham Əliyev bu gün Serbiyanın xarici işlər naziri Marko Curiçi qəbul edib.
Görüşdə Əliyev deyib ki, Serbiya Azərbaycanın dostu və strateji tərəfdaşıdır, - dövlət başçısının saytı xəbər verir.
Əliyevin sözlərinə görə, Azərbaycan və Serbiya arasında dostluq münasibətləri təkcə ikitərəfli münasibətlər baxımından deyil, həm də Balkan və Qafqaz regionları arasında əməkdaşlığın inkişafına kömək etmək baxımından çox vacibdir.
Görüşdə iki ölkə arasında enerji sahəsində əməkdaşlığın inkişafından məmnunluq ifadə olunub. Bildirilib ki, Serbiya artıq Azərbaycanın enerji ehtiyatlarının digər Avropa ölkələrinə, o cümlədən Balkanlara ixracında tranzit rolunu oynayır.
Tərəflər Azərbaycan və Serbiyanın beynəlxalq təşkilatlar çərçivəsində qarşılıqlı dəstəyini, xüsusilə ərazi bütövlüyü və suverenlik məsələlərinə prinsipial yanaşmalarını vurğulayıblar.
Söhbət zamanı əməkdaşlığın müxtəlif istiqamətləri üzrə fikir mübadiləsi aparılıb.
Siyasət
-
İnsan Hüquqları Müdafiəçilərinin Müdafiəsi Rəsədxanası (OPHRD) azərbaycanlı hüquq müdafiəçisi Rüfət Səfərovun həbsini pisləyib və ona qarşı ittihamların dərhal ləğv edilərək sərbəst buraxılmasına çağırıb.
-
Dekabrın 21-də Müsavat Partiyasının qərargahında mərhum ictimai fəal Nərgiz Yaqublunun adına təsis olunmuş mükafatın təqdimatı keçirilib. Mükafat hazırda həbsdə olan "III Respublika Platforması"nın (Resplatforma) spikeri Akif Qurbanova təqdim olunub. Müsavat Partiyasının başqanı İsa Qəmbər Qurbanovun Azərbaycanda demokratik, cümhuriyyət dəyərlərinin bərqərar olması uğrunda apardığı ardıcıl mübarizəyə görə bu mükafata layiq olduğunu deyib.
-
Dövlət Departamentinin sözçüsü TURANa bildirib ki, Birləşmiş Ştatlar Gürcüstanda demokratiyanı sarsıtmaqda günahkar olan daha on məmura viza qadağası qoyacaq və bununla da onların ümumi sayı 100-dən çox olacaq.
-
Azərbaycan prezidenti İlham Əliyev Almaniyanın Maqdeburq şəhərində baş vermiş faciəli hadisə ilə əlaqədar prezident Frank-Valter Ştaynmayerə başsağlığı verib.
Rəy yaz