İlham Əliyev imza vərəqələrini MSK-ya təqdim edib

 Hakim Yeni Azərbaycan Partiyası İlham Əliyevin prezidentliyə namizədliyi üçün imza vərəqələrini Mərkəzi Seçki Komissiyasına təqdim edib.

YAP-dan Turan-a verilən məlumata görə, MSK-ya 45 min imza olmaqla 900 imza vərəqəsi, həmçinin müvafiq sənədlər təhvil verilib.

İndiyədək MSK 12 şəxsin prezidentliyə namizədliyini təsdiq edib: İlham Əliyev, Azadlıq Partiyasının sədri Əhməd Oruc, İlqar Məmmədov (Altay), Ümid Partiyasının sədri İqbal Ağazadə, Liberal Demokrat Partiyasının sədri Fuad Əliyev, Vətəndaş və İnkişaf Partiyasının sədri Əli Əliyev, Sosial Demokrat Partiyasının sədri Araz Əlizadə, Bütöv Azərbaycan Xalq Cəbhəsi Partiyasının sədri Qüdrət Həsənquliyev, Müasir Müsavat Partiyasının sədri Hafiz Hacıyev, Milli Məclisin deputatı Zahid Oruc, Milli Dirçəliş Hərəkat Partiyasının sədri Fərəc Quliyev, Şərq-Qərb Araşdırmalar Mərkəzinin rəhbəri Ərəstun Oruclu. 

Prezidentliyə iddialı olan digər 5 nəfər sənədlərini MSK-ya təqdim edib. 

Qanunvericiliyə uyğun  olaraq hər bir namizəd prezidentliyə namizədliyinin təsdiqlənməsi  üçün MSK-ya ən azı 40 min seçici imzası təqdim etməlidir. 

Təşviqat kampaniyası sentyabrın 16-da başlanacaq. Prezident seçkiləri oktyabrın 9-da keçiriləcək. Sonuncu prezident seçkiləri 2008-ci il oktyabrın 15-də keçirilib.-016B-