Sığorta şirkətlərinin ödənişləri artır

Avqustun 1-i üçün sığorta şirkətləri cəmi 68 mln 878,53 min manat ödəniş ediblər. Bu, ötən aydakından 10,8 mln, ötən ilin eyni dövründəkindən 19,41 mln (39,2%) çoxdur. 

Artım əsasən avtonəqliyyat vasitələri sahiblərinin mülki məsuliyyətinin icbari sığortası ilə bağlıdır - 14,05 mln manat. Bu, ötən ilkindən 1,73 mln manat çoxdur. 

Könüllü növlər üzrə 48,46 mln manat ödəniş olub. Daha çox kompensasiya KTS üzrədir – 25,41 mln manat. Avtomobillərin КАСКО sığortası üzrə 15,05 mln manat, həyat sığortası üzrə 1,76 mln manat, səyahət sığortası üzrə 151,09 min manat ödənilib. 

Bədbəxt hadisə və xəstəliklərdən sığorta üzrə 900,38 min manat, əmlakın yanğından və başqa risklərdən sığortası üzrə 2,13 mln manat, yük sığortası üzrə 95,6 min manat, avtonəqliyyat vasitələri sahiblərinin mülki məsuliyyətinin sığortası üzrə 217,94 min manat ödəniş olub. 

Əməkdaşların dələduzluğundan sığorta üzrə 2,22 mln manat kompensasiya edilib. Ümumi mülki məsuliyyətin sığortası üzrə 159,35 min manat, işə götürənlərin məsuliyyətinin sığortası üzrə 21,22 min manat, kənd təsərrüfatı sığortası üzrə 486 min manat kompensasiya olub. İcbari sığorta üzrə cəmi 20,42 mln manat ödənilib. Bunun 68,8%-i AVSMMİS üzrədir. 

Hərbçilərin icbari sığortası üzrə 4,04 mln manat, məhkəmə və hüquq-mühafizə orqanları əməkdaşlarının icbari sığortası üzrə 481,48 min manat, əmlakın icbari sığortası üzrə 930,48 min manat, köhnə AVSMMİS və yanğından icbari sığorta üzrə 13,86 min və 115,4 min manat ödənilib. --17D—