president.az
İlham Əliyev Səudiyyə Ərəbistanının XİN başçısını qəbul edib
Bakı/04.10.22/Turan: Azərbaycan prezidenti İlham Əliyev oktyabrın 4-də Səudiyyə Ərəbistanı Krallığının xarici işlər naziri Feysal bin Fərhan Al Səudu qəbul edib.
Görüşdə iki ölkə arasındakı mövcud münasibətlər və əlaqələrin perspektivləri diqqət mərkəzində olub.
"İşğal dövründə Səudiyyə Ərəbistanı az sayda olan ölkələrdən biri idi ki, bizim haqlı işimizə davamlı dəstək verirdi. Bunun bariz nümunəsi işğal dövründə Səudiyyə Ərəbistanının Ermənistanla diplomatik münasibətlər qurmaması idi. Bu addımı isə dünyada yalnız üç ölkə atıb və biz buna görə həqiqətən də minnətdarıq", deyə Əliyev qeyd edib.
O, Səudiyyə Ərəbistanının şirkətlərini azad edilmiş ərazilərdə aparılan irimiqyaslı yenidənqurma proqramında iştirak etməsini istədiyini bildirib.
"Eyni zamanda, ilin əvvəli də çox yaddaqalan olub - ölkənizdən olan şirkət tərəfindən maliyyələşdirilən böyük elektrik enerjisi stansiyası layihəsinə start verilib. Həmin layihə ilin əvvəli üçün yaxşı start idi və layihə uğurla gedir", deyən Əliyev iki ölkə arasında turizm sahəsində və mədəniyyət sahələrində əməkdaşlığın da uğurla inkişaf etdiyini qeyd edib, beynəlxalq təşkilatlar, xüsusən BMT və İslam Əməkdaşlıq Təşkilatı çərçivəsində göstərilən dəstəyə görə Səudiyyə Ərəbistanına minnətdar olduğunu bildirib.
Nazir Feysal bin Fərhan Al Səud bildirib ki, iki ölkə arasındakı güclü dostluq əsasında görülə biləcək işlər çoxdur.
"Son bir neçə ayda biz bir sıra iqtisadi məsələlərdə irəliləyişə nail olmuşuq. Çünki siyasi səviyyədə və xalqlarımız arasında güclü əlaqələrə baxmayaraq, iqtisadiyyat sahəsində görüləcək işlər çoxdur. Ticarət dövriyyəmiz aşağıdır və qarşılıqlı sərmayə qoyuluşu da hər iki ölkənin iqtisadi potensialına uyğun deyil", deyə o qeyd edib. 03
-
- İqtisadiyyat
- 4 Oktyabr 2022 13:33
-
- Siyasət
- 4 Oktyabr 2022 14:56
Siyasət
-
Oktyabrın 10-da 121 gün aclıq keçirən iqtisadçı ekspert Fazil Qasov məhkəmədə Penitensiar xidmətin tibb müəssisəsində ona mənəvi və fiziki təzyiq edildiyini bildirib.
-
Oktyabrın 10-da Bakı Apellyasiya Məhkəməsi “Toplum” TV nəşrinə qarşı iş üzrə təqsirləndirilən şəxslərin, əsasən jurnalistlər Müşfiq Cabbar və əli Zeynalov, fəallar Akif Qurbanov, Ruslan İzzətli, Ramil Babayev, İlkin Əmrahovun həbs müddətinin uzadılması ilə bağlı şikayətləri təmin etməyib.
-
Cümə axşamı Rusiya prezidenti Vladimir Putin Rusiya Federasiyasına iş üçün və ya 90 gündən çox olmayan müddətə daxil olan Gürcüstan vətəndaşları üçün vizasız rejimin tətbiqi barədə fərman imzalayıb.
-
Oktyabrın 10-da Bakı Ağır Cinayətlər Məhkəməsində ictimai fəal, "dələduzluq"da ittiham olunan Rail Abbasovun işi üzrə proses davam edib.
Rəy yaz