![İlham Əliyev: Türk ölkələri energetika sahəsində əməkdaşlığı möhkəmləndirəcəklər](https://turan.az/resized/media/2014/main/060600080765-750-500-resize.webp)
İlham Əliyev: Türk ölkələri energetika sahəsində əməkdaşlığı möhkəmləndirəcəklər
Azərbaycanın təşəbbüsü ilə Türk Mədəniyyəti və İrsi Fondu yaradılır ki, bu da türk mədəniyyəti və incəsənəti, tarixi sahəsində müxtəlif layihələrin həyata keçirilməsi üçün yaxşı imkanlar yaradacaq. Bu barədə Azərbaycan prezidenti İlham Əliyev iyunun 5-də Bodrumda türk dövlətlərinin sammitində çıxış edərkən bildirib.
O, beynəlxalq təşkilatlarda türk ölkələrinin həmrəyliyinin zəruri olduğunu qeyd edərək, Avrasiya İqtisadi İttifaqının təsis iclasında Azərbaycan tərəfin Ermənistanın bu təşkilata üzvlüyü ilə bağlı narahatlığını dilə gətirən Qazaxıstanı nümunə göstərib.
İqtisadi layihələrə toxunan Əliyev bildirib ki, Azərbaycan Türkiyəyə böyük investisiyalar ayırmağa başlayıb. “Qarşıda duran 5-6 ildə bu investisiyaların həcmi minimum 20 milyard dollar təşkil edəcək”, deyə Əliyev bildirib.
“Bakı-Tbilisi-Qars dəmir yolunun tikintisi tarixi hadisədir. Əminəm ki, gələn ildən bu yol açılacaq. Beləliklə, yeni dəmir İpək yolu bərpa olunacaq ki, bu da bütün türk ölkələrinə fayda verəcək.
Azərbaycanda da, Qazaxıstanda da, Türkmənistanda da fəaliyyət göstərən limanlar genişləndirilir ki, bu da yük daşımalarını artırmağa imkan verəcək.
“Biz energetika sahəsində əməkdaşlığı dərinləşdirmək niyyətindəyik. Bunun üçün bütün imkanlar var. Ölkələrimiz təbii sərvətlərlə zəngindir və onlar müxtəlif marşrutlarla dünya bazarlarına ixrac edilir. Yəni Türkmənistanın da, Qazaxıstanın da, Azərbaycanın da müstəqil və müxtəlif ixrac marşrutları var. Amma maraqlarımızı daha tam şəkildə təmin etmək, birliyimizi möhkəmləndirmək üçün biz bu sahədə birgə tədbirlər görməliyik və əminəm ki, görəcəyik”, deyə Əliyev qeyd edib. -02D-
-
- Cəmiyyət
- 6 İyun 2014 14:22
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz