İlham Əliyev və Vladimir Putin ikitərəfli əlaqələrin inkişafından razıdır
Azərbaycan və Rusiya prezidentləri İlham Əliyevlə Vladimir Putin ikitərəfli əlaqələrin inkişafından, əsasən əmtəə dövriyyəsinin rekord tempindən və iki ölkə arasında əlaqələrin diversifikasiyasından razıdır. Bu barədə İTAR-TASS bildirir.
“Həqiqətən də ölkələrimiz arasında əlaqələr çox uğurla inkişaf edir. Dünya iqtisadiyyatı üzrə ümumi mürəkkəb vəziyyətə baxmayaraq, ötən il əmtəə dövriyyəsində artım 47% təşkil edib ki, bu da bizim üçün rekordlardan biridir”, - V.Putin İ.Əliyevlə görüşündə bildirib.
“Rusiya Azərbaycanla ticari-iqtisadi əlaqələr üzrə liderlərdən biri olaraq qalır. İkinci yeri tutur, ticarət dövriyyəsi artır və əmtəə dövriyyəsinin strukturunun həm Azərbaycan, həm də Rusiya tərəfdən əlverişli olması çox xoşdur”, - RF prezideti vurğulayıb.
Azərbaycanın dövlət başçısı əmin olduğunu bildirib ki, V.Putinin səfəri iki ölkə arasında əlaqələrə əlavə təkan verəcək. “Bizim münasibətlərimiz çox dinamik, müsbət, uğurla inkişaf edir. Bizim əlaqələr bir çox sahəni əhatə edir və bu gün həm ikitərəfli, həm də regional məsələləri müzakirə etmək imkanlarımız olacaq”, - İ.Əliyev bildirib.
V.Putin humanitar sahənin inkişafına yönələn təşəbbüsləri qeyd edib. “Bilirəm ki, sizin də şəxsi təşəbbüsləriniz var. Biz bu gün onları müzakirə edəcəyik. Əminəm ki, bugünkü görüşümüz münasibətlərin inkişafına yardım edəcək. Mənimlə böyük komanda, əməkdaşlığın əsas istiqamətləri üzrə nazirlər gəlib. Odur ki, işimiz məzmunlu, böyük, maraqlı və çox faydalı olacaq”, - V.Putin vurğulayıb. -0--
Siyasət
-
Gürcüstanda keçirilən parlament seçkilərində hakim Gürcü Arzusu Partiyası erməni və azərbaycanlı əhalinin sıx olduğu rayonlarda çoxluq qazanıb: Axalkalaki – 88 faiz, Ninotsminda – 90 faiz, Marneuli – 80 faiz, Bolnisi – 81 faiz, Tetritskaro – 68,6 faiz, Dmanisi – 76,4 faiz, Tsalka – 69,3 faiz və Qardabani – 70,8 faiz. Marneulidə bülletenlərin atılmasına dair kadrlar Gürcüstanda və onun hüdudlarından kənrda sosial şəbəkələrdə geniş yayılıb. Gürcü Arzusu milli azlıqların az olduğu Tbilisidə uduzub.
-
ABŞ və avropalı müttəfiqlər müşahidəçilərin Gürcüstanda seçki pozuntuları ilə bağlı xəbərləri tam araşdırmaq çağırışlarına qoşulublar, Turan-ın Vaşinqton müxbiri bildirib.
-
Azərbaycan Respublikasının Prezidenti İlham Əliyev Gürcüstanda keçirilmiş parlament seçkilərinin nəticələri və ölkənin aparıcı siyasi qüvvəsi olan “Gürcü Arzusu - Demokratik Gürcüstan” partiyasının qələbəsi münasibətilə Baş nazir İrakli Kobaxidzeni təbrik edib.
-
Oktyabrın 26-da Azərbaycanın ekologiya və təbii sərvətlər naziri, COP 29-un prezidenti Muxtar Babayev ABŞ prezidentinin beynəlxalq iqlim siyasəti üzrə baş məsləhətçisi Con Podesta ilə görüşüb. Bu barədə X sosial platformasında COP-un səhifəsində deyilir.
Rəy yaz