İlhamiz Quliyevin məhkəməsində
İlhamiz Quliyevin məhkəməsində
Cümə axşamı Bakı Ağır Cinayətlər Məhkəməsində hakim Azər Tağıyevin sədrliyi ilə narkotik ittihamı ilə həbs edilən ictimai fəal İlhamiz Quliyevin cinayət işi üzrə məhkəmə prosesi davam etdirilib.
Prosesdə şahid qismində Yasamal rayon polis idarəsinin əməkdaşı Nicat Abdullayev ifadə verib.
Vəkil Zibeydə Sadıqova bildirib ki, Quliyev ittihamı qəbul etmədiyini, narkotikini məhz bu polis əməkdaşının onun cibinə qoyduğunu deyib.
Quliyev yenidən ittihamların saxtalaşdırıldığını bildirib.
Sadıqova diqqəti ona yönəldib ki, tutulan zaman Quliyevə ailəsinə xəbər verməyə və öz istədiyi vəkili dəvət etməyə imkan verilməyib.
Məhkəmə polis əməkdaşı olan digər iki şahidin dindirilməsi məqsədi ilə avqustun 22-dək təxirə salınıb.
* Xatırladaq ki, Quliyev 2023-cü il dekabrın 4-də saxlanılıb, 6-da isə külli miqdarda narkotik vasitələrin qanunsuz dövriyyəsi ittihamı ilə 4 ay müddətinə həbs edilib.
Lakin Quliyevin həbsinin əsl səbəbi onun “Abzas Media” nəşrinə müsahibəsində polisin qanunsuz əməllərindən və cinayət işlərinin saxtalaşdırılmasından danışmasıdır.
Hüquq müdafiəçiləri Quliyevi siyasi məhbus kimi tanıyıblar.
Siyasət
-
Avqustun 8-də Ukrayna Silahlı Qüvvələri Rusiyanın Kursk vilayətinə qarşı hücumunu inamla davam etdirib. Müstəqil mənbələrin axşama olan məlumatına görə, ukraynalılar bu gün daha 10-15 km irəliləyib, Kromskie Bıki kəndinə çatıblar.
-
Azərbaycan prezidenti İlham Əliyev Mərkəzi Asiya dövlət başçılarının VI Məşvərət Görüşündə iştirak edəcək bu gün Astanaya səfər edib, deyə Qazaxıstan KİV-i xəbər verir.
-
Bakı Ağır Cinayətlər Məhkəməsində iqtisadçı Fazil Qasımovun cinayət işi üzrə hazırlıq iclası avqustun 15-nə təyin edilib.
-
Seçkiqabağı təşviqat üçün ayrılan efir vaxtının ümumi həcmi 3 saatdan az ola bilməz.
Rəy yaz