Tehran/16.03.20/Turan: İranda koronavirusa yoluxanların sayı 15 min nəfərə çatıb, 853 nəfər dünyasını dəyişib, 4996 nəfər isə sağalıb. Bu barədə bugünki mətbuat konfransında İranın Səhiyyə Nazirliyinin nümayəndəsi Kianuş Cahanpur bildirib.
"Son bir gündə İranda 1053 yeni koronavirusa yoluxma halı aşkar olunub", deyə o qeyd edib.
Xatırladaq ki, Azərbaycan İranla sərhədləri bir həftə əvvəl bağlayıb.
Bu günə qədər Azərbaycanda 25 nəfərdə koronavirus aşkar edilib, onların, demək olar ki, hamısı xəstəliyə İranda yoluxub. -02D-
Siyasət
-
Azərbaycan Xalq Cəbhəsi Partiyasının (AXCP) Xəzər rayonu şöbəsinin fəalı Əlisahib Kərimov yanvarın 10-da Nizami metrostansiyasında saxlanılaraq Yasamal Rayon Məhkəməsinin qərarı ilə İnzibati Xətalar Məcəlləsinin polisin qanuni tələbinə tabe olmamaq maddəsi ilə günahlandırlaraq 30 sutka inzibati həbsə məhkum edilib.
-
Müstəqil jurnalist Xanım Mustafayeva yanvarın 11-də Azərbaycandan xaricə gedə bilməyib. Bakı hava limanında ona bildiriblər ki, qadağa Azərbaycanın Daxili İşlər Nazirliyi tərəfindən qoyulub. Lakin jurnalistin hüquqlarının məhdudlaşdırılmasının səbəbləri ona izah edilməyib.
-
Məşhur iqtisadçı və siyasi xadim Qubad İbadoğlunun ev dustaqlığına buraxıldıqdan sonra hüquqlarını daha da məhdudlaşdırırılıb. Onun şəxsiyyət vəsiqəsi fəaliyyətsiz edilib.
-
Yanvarın 10-da Bakı Ağır Cinayətlər Məhkəməsində Demokratik Qüvvələrin Milli Şurasının və Müsavat Partiyasının üzvü Tofiq Yaqublunun işi üzrə növbəti iclas gərgin atmosferdə keçib.
Rəy yaz