İsrail səfirinin həyat yoldaşı "Təmiz Dünya" sığınacağının sakinləri üçün yardım təşkil edib

Son günlər İsrail səfirinin həyat yoldaşı Anna Dik məişət zorakılığına məruz qalmış qadınlar və uşaqların məskunlaşdığı "Təmiz Dünya" sığınacağına geyim, oyuncaq, ayaqqabı və ev əşyalarının bağışlanması kampaniyasına rəhbərlik edib.

Bu barədə Turan-a İsrailin Azərbaycandakı səfirliyindən bildiriblər.

"Bu əziz bayramlar dövründə - Novruzu, Ramazanı və yəhudilərin qarşıdan gələn Pasxa bayramını qeyd edərkən, İsrail və Azərbaycan arasındakı möhkəm dostluğu bir daha xatırlayırıq. Bu dostluq ehtiyac anında həmrəyliklə müəyyən edilən dostluqdur", deyə məlumatda bildirilir.

Öz növbəsində, İsrailin Azərbaycandakı səfiri Corc Dik sosial platformada bununla bağlı paylaşımında belə yazıb: "Səfirlik işçilərindən məişət zorakılığından əziyyət çəkən qadın və uşaqlara sığınacaq verən "Təmiz Dünya" sığınacağına qədər geyim, oyuncaq, ayaqqabı və daha çox şeylərin verilməsi kampaniyasına rəhbərlik edən həyat yoldaşım Anna ilə fəxr edirəm".