İsraildə Azərbaycanla hərbi sövdələşmənin iştirakçısı olan şirkətlərlə bağlı şübhə yaranıb

Bakı/23.09.20/Turan: İsrailin Israel Aerospace Industries dövlət şirkəti (IAI), İsrailin nəhəng aerokosmik və aviasiya avadanlığı istehsalçısı Jet field Networks və Lark stone şirkətlərinə 155 milyon dollar köçürüb. 2012-2014-cü illərdəki bank hesabatlarına əsasən bu şirkətlər Azərbaycan hökuməti üçün miqyaslı pulların yuyulması ilə bağlı olub.

İsrailin “Xaarets” qəzeti Şomrim adına KİV və Demokratiya Mərkəzinin hesabatına istinadən bildirir ki, ödəmənin səbəbi aydın deyil.

Bu əhvalat araşdırmaçı- jurnalistlər konsorsiumunun əlinə keçən minlərlə bank sənədinin sızmasından sonra ortaya çıxıb.

Araşdırma göstərir ki, İAİ Azərbaycanla öz tarixində ən iri silah sövdələşmələrindən birini (1,6 milyard dollar məbləğində) bağladıqdan sonra pul köçürmələri başlanıb. İsrail və beynəlxalq KİV-in məlumatına görə, sövdələşmə pilotsuz uçuş aparatlarının və raket əleyhinə müdafiə sistemlərinin satışını da əhatə edib.

Bu ödəmələr Deutsche Bank və ABŞ Maliyyə Nazirliyinin maliyyə cinayətlərinə qarşı mübarizə bölməsi tərəfindən təqdim olunan onlarla hesabatda keçir.

Hesabatda qeyd olunur ki, sənəddə adı çəkilən şəxs və ya şirkət qanunsuz bir şeylər ediblər. Bu əməliyyatlar tamamilə qanuni işgüzar  fəallığın bir hissəsi ola bilərdi, lakin maliyyə qurumunun şübhələrinə səbəb olub.

2012-ci il fevralın əvvəlində İsrail və beynəlxalq KİV İsrail şirkəti ilə Azərbaycan hökuməti arasında böyük müqavilənin imzalanması barədə məlumat vermişdilər. Sənədin detalları ictimaiyyət üçün müəyyən dərəcədə qapalı qalmışdı.

İsrail Azərbaycandan neft alır, azərbaycanlılar isə İsraildən silah və kənd təsərrüfatı texnikası alırlar. İsrail hökuməti İranla uzun sərhəddinə görə Azərbaycana böyük strateji əhəmiyyət verir. Azərbaycanda insan hüquqlarının pozulması əlaqələrin qurulmasına mane olmur, qəzet qeyd edir.0—