Bakı/12.12.17/Turan: Dekabrın 13-də İstanbulda İslam Əməkdaşlıq Təşkilatının (İƏT) fövqəladə sammiti açılır. Sammit Ankaranın təşəbbüsü ilə, ABŞ-ın Qüdsü İsrailin paytaxtı kimi tanımaq qərarına cavab olaraq çağırılıb.
Türkiyə baş nazirinin müavini Bekir Bozdağın sözlərinə görə, sammit iştirakçıları Vaşinqtonun qərarını pisləməklə kifayətlənməməli, daha ciddi yanaşma nümayiş etdirməlidir, deyə Anadolu agentliyinin məlumatında bildirilir.
Məlumatdan sammit təşkilatçılarının məhz nə planlaşdırdıqları məlum olmur, göründüyü qədər, söhbət yekun bəyanatdan və İsrail və ABŞ-a qarşı müəyyən sanksiyalar qəbul etmək təklifindən gedir.
Azərbaycan prezidenti İlham Əliyev də sammitdə iştiraka razılıq verib.
İsrail 1967-ci ilin iyunda qısa müharibə zamanı Şərqi Qüdsü işğal edib. 1980-ci ildə Knessetin qəbul etdiyi qanun layihəsinə əsasən, İsrail birtərəfli qaydada Qüdsü yeganə və ayrılmaz paytaxtı elan edib.
Buna cavab olaraq, BMT TŞ 478 saylı qətnamə qəbul edərək, İsrailin Şərqi Qüdsü ilhaq etməsini pisləyib. Beynəlxalq ictimaiyyət Şərqi Qüdsün İsrail işğalı altında olduğunu hesab edir. -02D-
Siyasət
-
Şənbə axşamı Qroznı şəhərinin mərkəzində bir yanacaqdoldurma məntəqəsində qaz çənlərinin partlaması nəticəsində dörd nəfər ölüb.
-
Avropa İttifaqının iqlim fəaliyyəti üzrə komissarı Vopke Hukstra oktyabrın 10-11-də Bakı səfəri çərçivəsində COP29-dan öncəki son nazirlər görüşündə iştirak edib. COP29-a bir ay əvvəl qalmış Bakıda iqlim maliyyələşməsi, beynəlxalq karbon bazarları, Paris sazişinin 6-cı maddəsi, adaptasiya, nəticələrin yumşaldılması, şəffaf hesabat və COP28-in fosil yanacaqlardan keçidi sürətləndirmək öhdəliyinin yerinə yetirilməsi kimi mövzuları müzakirə etmək üçün mühüm imkan olub.
-
Human Rights Watch beynəlxalq insan hüquqları təşkilatı noyabrda Bakıda keçiriləcək COP29 iqlim sammitinin ev sahibliyi sazişinin nüsxəsini əldə edib. Saziş bu il avqustun 17 və 23-də Bonn və Bakıda imzalanıb, hələ ictimaiyyətə açıqlanmayıb. Təşkilatın yaydığı bəyanata görə, sazişdə iştirakçıların hüquqlarının qorunması ilə bağlı ciddi çatışmazlıqlar var.
-
Oktyabrın 12-də Müdafiə Nazirliyində xidməti müşavirə keçirilib.
Rəy yaz