Ermənistanın XİN rəhbəri Edvard Nalbandyan güman edir ki, dekabrın 5-də Kiyevdə onun Azərbaycan XİN rəhbəri Elmar Məmmədyarovla görüşü keçiriləcək. Bu barədə o, Yerevanda bu gün keçirilən mətbuat konfransında bildirib.
Vyanada iki ölkə prezidentinin görüşündə onlar xarici işlər nazirlərinə münaqişənin tənzimlənməsində irəliləyiş üzrə görüş üçün ilk fürsətdən istifadə etməyi tapşırıblar.
“İlk belə imkan Kiyevdə ATƏT XİN rəhbərləri Şurasının iclası çərçivəsində yaranacaq. Bu iclas çərçivəsində Ermənistan və Azərbaycan xarici işlər nazirlərinin görüşü planlaşdırılıb. Biz imkan daxilində danışıqları irəlilətməyə çalışacağıq. Əlbəttə, hər iki tərəfin münaqişəni nizamlamaq istəyi olması vacibdir. Lakin tərəflərin nizamlanmaya realist yanaşması olması da əhəmiyyətlidir. Belə bir realist yanaşma həmsədrlərin prezidentlər səviyyəsində qəbul edilmiş bəyanatlarnda yer alan təkliflərinə və prinsiplərinə əsaslana bilər”, deyə Nalbandyan qeyd edib. O, həmçinin vurğulayıb ki, Ermənistan bu bəyanatlarda təsbit edilmiş təklifləri və prinsipləri dəstəkləyir və Qarabağ münaqişəsinin müstəsna olaraq dinc yolla həllinə sadiqdir. Nazirin sözlərinə görə, Azərbaycan tərəfi də bu yanaşmaya sadiq olsa danışıqlar prosesini irəlilətmək və münaqişənin həllinə yaxınlaşmaq olar.
Qeyd edək ki, Azərbaycan XİN hələlik Nalbandyanla Məmmədyarovun görüşü haqqında məlumatı təsdiq etməyib. -02D-
Siyasət
-
Ermənistanın Baş naziri Nikol Paşinyan hökumət iclasında gözlənilməz bir açıqlama verərək, Azərbaycanla strateji sazişin imzalanmasının vacibliyini vurğulayıb. Onun sözlərinə görə, iki ölkənin gələcəkdə dinc yanaşı mövcudluğu növbəti yüz il ərzində təmin edilməlidir və bu məsələnin həlli hər iki tərəf üçün ən əsas və fundamental məsələdir.
-
BMT-nin İqlim Dəyişikliyi üzrə Konfransının (COP29) 29-cu sessiyasında açıqlanan yeni iqlim proqramlarının maliyyələşdirilməsi üzrə razılaşma layihəsi, iqlim dəyişikliyinin təsirlərinə uyğunlaşmaq və iqlim müdafiəsi tədbirləri üçün illik ən azı 1,3 trilyon dollar (1,23 trilyon avro) ayrılmasını təklif edir. Çərşənbə günü açıqlanan 34 səhifəlik sənəd, inkişaf etməkdə olan ölkələrin maraqlarını nəzərə alaraq hazırlanıb, lakin bəzi mübahisəli məsələlər hələ də həll edilməyib, AFP bildirir.
-
Noyabrın 13-də Beynəlxalq Qırmızı Xaç və Əfqanıstan Taliban Hərəkatının nümayəndələri COP29 konfransı çərçivəsində Bakıda danışıqlar aparıblar.
-
Həbsdə olan ictimai fəal, birinci qrup əlil Famil Xəlilovun xanımı Kiçikxanım Xəlilova noyabrın 13-də COP29 konfransı zamanı izlənməyə məruz qalıb.
Rəy yaz