Konstitusiyaya dəyişikliklərlə bağlı Foruma keçirilməsi planlaşdırılır

Sivil Toplum Platforması (STP) sentyabrın 14-də keçirilən növbəti toplantısında Konstitusiyaya dəyişikliklərlə bağlı geniş müzakirə açmaq barədə qərar qəbul edib.

Platforma üzvləri sentyabrın 26-da təyin edilən referenduma çıxarılacaq Konstitusiyaya dəyişikliklər layihəsinin müzakirəsi üçün ictimai Forum keçirməyi məqsədəuyğun sayıblar. Tədbirin keçirilməsi üçün şifahi müraciət edilən ünvanlardan (Beynəlxalq Mətbuat Mərkəzi də daxil) imtina cavabları alınmasına STP-nin mövqe sənədinin qəbul edilməsi və ictimaiyyətə yayımlanması qərara alınıb. Təklif edilən dəyişikliklərin STP üzvlərini narahat edən səbəblərinə dair video-çarx hazırlanaraq cəmiyyətə təqdim edilməsi də qərara alınıb.

STP üzvləri avqust ayından cəmiyyətin fəal üzvlərinə qarşı yeni repressiya dalğasına mənfi münasibət bildiriblər və bununla bağlı ayrıca mövqe sənədi qəbul olunmsı qərarı qəbul ediblər. Qurum Açıq Hökumətin Təşviqinə Dair Hökumət-Vətəndaş Cəmiyyəti Dialoqu Platformasının yaradılması haqqında fikir mübadiləsi aparıb. Bu cür təəssüfləndirici formalaşdırmaya STP adından xüsusi münasibət bildirilməsi qərara alınıb.  

İclasda STP-nin Əsasnaməsinə dəyişikliklərin və Platformaya üzvlük məsələlərinə münasibətin yekunlaşması da qərara alınıb. STP üzvləri həmçinin STP-nin Beynəlxalq qurumlarla əməkdaşlığının aktiv fazaya keçirilməsi barədə yekun rəyə gəliblər.

Xatırladaq ki, Platforma 2016-cı ilin fevralında bir qrup vətəndaş cəmiyyəti fəalları tərəfindən təsis edilib. Qurumun əsas məqsədi ölkədə demokratik dəyişiklikləri və iqtisadi islahatları dərinləşdirməkdir. -05D-