Açiq mənbələrdən foto.
Koronavirus Azərbaycan-Rusiya ticarət dövriyyəsini sarsıtmayıb
Bakı/20.05.21/Turan: Cümə axşamı, mayın 20-də Moskvada Azərbaycan və Rusiya hökumət başçıları arasında geniş formatda danışıqlar aparılıb.
Rusiyanın hökumət başçısı Mixail Mişustin Azərbaycan baş naziri Əli Əsədovu salamlayaraq, münasibətləri daha yüksək səviyyəyə çıxarmaq, onlara yeni məzmun qatmaq zərurətini qeyd edib.
“2020-ci ildə, koronavirusun olduğu mürəkkəb şəraitdə biz qarşılıqlı ticarət dövriyyəsinin əhəmiyyətli dərəcədə azalmasına yol verməmişik. Bu ilin əvvəlində, yanvardan marta qədər isə ticarət dövriyyəsini təxminən 3,5% artırmışıq ki, bu da təqribən 680 milyon dollar təşkil edir, bu, yaxşı rəqəmdir”, deyə Mişustin bildirib.
O qeyd edib ki, “Dağlıq Qarabağda hərbi əməliyyatlar başa çatdıqdan sonra Azərbaycan, Ermənistan və Rusiya liderlərinin qəbul etdikləri bəyanatlar regionun daha kompleks şəkildə inkişafı üçün imkanlar yaradıb. Əminəm ki, iqtisadi əlaqələrin və nəqliyyat əlaqələrinin açılması, yeni infrastruktur marşrutlarının yaradılması bütün Cənubi Qafqaz dövlətlərinin maraqlarına uyğundur”.
“Prezidentlərimizin şəxsi iştirakı, siyasi iradəsi sayəsində dövlətlərimiz arasında qarşılıqlı münasibətlər strateji tərəfdaşlıq səviyyəsinə çatıb və uğurla inkişaf edir. Həmçinin, hökumətlər və müvafiq profilli nazirlik və idarələr xətti ilə fəal iş gedir”, deyə Əli Əsədov cavab sözündə bildirib.
Onun sözlərinə görə, Azərbaycan rəhbərliyi Rusiya Federasiyasının 44 günlük müharibə zamanı oynadığı rolu yüksək qiymətləndirir.
“Azərbaycan, Rusiya prezidentləri və Ermənistan baş nazirinin 9 (bizim halda 10) noyabr tarixli bəyanatında qeyd edilən öhdəlikləri yüksək qiymətləndiririk və onların yerinə yetirilməsinə tam sadiqik... Azərbaycan öz tərəfindən 9 (10) noyabr və 11 yanvar tarixli bəyanatlar çərçivəsində üzərinə götürdüyü bütün öhdəliklərə tam sadiqdir və onları yerinə yetirəcək”, deyə o bildirib.
Əsədov Mişustini istənilən münasib vaxtda Azərbaycana rəsmi səfərə dəvət edib.
Bugünki danışıqların yekunlarına görə bir sıra istiqamətlərdə əməkdaşlığın dərinləşdirilməsi haqqında sazişlər imzalanıb. Söhbət informasiya sahəsindən, əqli mülkiyyətdən, qarşılıqlı gömrük fəaliyyətindən, ərzaq təhlükəsizliyindən, baytarlıqdan gedir, xəbəri Rusiya hökumətinin saytı yayıb. -0-
-
- Cəmiyyət
- 20 May 2021 16:47
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz