Kurskda həlak olan azərbaycanlının qohumları onun müharibəyə məcbur göndərildiyini bildirirlər
Kurskda həlak olan azərbaycanlının qohumları onun müharibəyə məcbur göndərildiyini bildirirlər
Bir həftə əvvəl Rusiyanın Kursk vilayətində döyüşlər zamanı 28 yaşlı azərbaycanlı Hikmət Ağayev həlak olub. O, Astara rayonunun Motlayataq kəndindəndir.
Onun qohumları Turan-a bildiriblər ki, Ağayev 10 il əvvəl Rusiyaya gedib, Rusiyanın Tula vilayətinin Novomoskovsk şəhərində yaşayıb və işləyib, Rusiya vətəndaşlığı alıb.
Ağayev 1 il 3 ay əvvəl işlə əlaqədar dövlət orqanlarından birinə müraciət etdiyi zaman məcburi olaraq orduya göndərilib. O, piyada qoşunlarında xidmət edib, bir dəfə yaralanıb.
Mərhumun cənazəsi dəfn edilmək üçün vətəninə göndəriləcək.
Siyasət
-
Bazar ertəsi Bakı Apellyasiya Məhkəməsi talış tarixinin tədqiqatçısı İqbal Əbilovun həbsinin 4 ay uzadılması barədə şikayətə baxıb.
-
"Gürcüstanda qara bazar ertəsi: polis və xüsusi təyinatlıların qoruduqları qapıların arxasında “Gürcü Arzusunun kölələri" bizim Konstitusiyamızı məhv edir və parlamentimizi təhqir edirlər". Bazar ertəsi Gürcüstan prezidenti Salome Zurabişvili müxalifəti tanımayan yeni çağırış parlamenti belə şərh edib.
-
Gürcüstanlı tanınmış fəal Samirə Bayramovanı Yerevanda təyyarədən buraxmayıblar. O, WAW aviaşirkətinin reysilə Tbilisiyə uçurmuş, lakin pis hava şəraitinə görə təyyarə Yerevana məcburi eniş edib.
-
Noyabrın 25-də Xətai Rayon Məhkəməsində iqtisadçı, “Abzas Media işi” üzrə həbs edilmiş Fərid Mehralızadənin şikayətinə baxılıb. O, mənzilində axtarpış və götürülmüş əşyalarına baxış zamanı istintaq orqanının hərəkətlərindən şikayət edib.
Rəy yaz